မိုးကြိုးစက်ကွင်း ထိမှန်သေဆုံးခဲ့သည့် နွားကောင်ရေ (၄၉)အတွက် ရှမ်းတောင် ပရဟိတ ကမ္ဘောဇဖောင်ဒေးရှင်းက ထောက်ပံ့ကူညီပေးအပ်ခဲ့
——————————————————————–
မေလ ၂၈ ရက်၊ ၂၀၂၆ ခုနှစ်၊
အထူးဒေသ(၆)၊ ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ လွယ်ပွတ်ကျေးရွာအုပ်စု ကောင်ဝါးတောင်ရွာတွင် မေလ ၂၁ ရက်နေ့၌ မိုးကြိုးစက် ကွင်း ထိမှန် သေဆုံးခဲ့သည့် နွားကောင်ရေ (၄၉)ကောင်ကို နွားပိုင်ရှင်များထံ ယနေ့ မေလ၂၈ ရက်နေ့သည် ရှမ်းတောင် ပရဟိတ ကမ္ဘောဇဖောင်ဒေးရှင်းက ထောက်ပံ့ကူညီပေးခဲ့သည့် ငွေသားများကို ပအိုဝ်းကိုယ်ပိုင်အုပ်ချုပ်ရဒေသ ဦးစီးအဖွဲ့ ဥက္ကဌ ဦးခွန်ဖိုးစိန် နှင့်အဖွဲ့ဝင်များက သွားရောက်၍ ပေးအပ်ခဲ့ကြောင်း သိရသည်။
ယင်း မိုးကြိုးစက် ကွင်း ထိမှန် သေဆုံးခဲ့သည့် နွားကောင်ရေ (၄၉)ကောင်အား ရှမ်းတောင် ပရ ဟိတ ကမ္ဘောဇဖောင်ဒေးရှင်းက ထောက်ပံ့ပိုး ကူညီပေးခဲ့သည့် ငွေသားများကို နွားတစ်ကောင်
လျှင် ငွေ(၇)သိန်းကျပ်စီဖြင့် နွားပိုင်ရှင်များထံထောက်ပံ့ကူညီပေးအပ်ခဲ့ကြောင်း သိရသည်။
ထို့နောက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ ဦးခွန်ဖိုးစိန်နှင့် အဖွဲ့ဝင်များသည် ကောင်ဝါးတောင်ကျေးရွာနှင့် တွေပူးကျေးရွာရှိ ဒေသခံပြည်သူများ သောက်သုံးလျက်ရှိသော ရေကန်အခြေအနေများကို ကြည့်ရှုစစ်ဆေးခဲ့ပြီး ရပ်ရွာဖွံ့ဖြိုးရေးအတွက် လိုအပ်ချက်များအား ဒေသခံများနှင့် တွေ့ဆုံတိုင်ပင်ညှိနှိုင်း ဆွေးနွေးခဲ့ကြကြောင်း သိရှိရပါသည်။
