လွိုင်လင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်အောင်ဆန်းနှင့် ပြည်နယ်လွှတ်တော် ကိုယ်စားလှယ် ခွန်သက်နိုင် မြို့နယ်အဆင့် ကျောင်းအပ်နှံရေးနေ့ အခမ်းအနားတက်ရောက်

လွိုင်လင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်အောင်ဆန်းနှင့် ပြည်နယ်လွှတ်တော် ကိုယ်စားလှယ် ခွန်သက်နိုင် မြို့နယ်အဆင့် ကျောင်းအပ်နှံရေးနေ့ အခမ်းအနားတက်ရောက်

———————-
မေလ ၂၇ရက်၊ ၂၀၂၆ခုနှစ်
ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ လွိုင်လင်မြို့နယ်၊ အထက(၁)လွိုင်လင်၌ မနက်ပိုင်း(၉း၀၀)နာရီမှာ မြို့နယ်အဆင့် ကျောင်းအပ်နှံရေးနေ့ အခမ်းအနားကို လွိုင်လင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်အောင်ဆန်းနှင့် ပြည်နယ်လွှတ်တော် ကိုယ်စားလှယ် ခွန်သက်နိုင် တို့ကတက်ရောက်ခဲ့ကြောင်းသိရပါသည်။

ရှေးဦးစွာ ကျောင်းသား/သူများမှ” တို့အလေးပေး” သီချင်းဖြင့် ဖွင့်လှစ်ပြီး “လွိုင်လင်ခရိုင် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးကြည်မြင့်က အဖွင့်အမှာစကား ပြောကြားခဲ့ပါသည်။

ထိုနောက် လွိုင်လင်မြို့နယ် ပြည်သူ့လွှတ်တော်ကိုယ်စားလှယ် ခွန်အောင်ဆန်းက အမှာစကားပြောကြားခဲ့ပြီး လွိုင်လင်ခရိုင်ပညာရေးမှူး ဆရာကြီး ဦးမျိုးတင့် က ကျောင်းအပ်နှံရေး အခမ်းအနား ကျင်းပပြုလုပ်ရခြင်းအကြောင်း ရှင်းလင်းတင်ပြခဲ့ပါသည်။

ဆက်လက်ပြီး အလယ်တန်းဆင့်/မူဆင့် အခမဲ့ဖြန့်ချီပေးသော ကျောင်းသုံးပစ္စည်းများအား ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကြည်မြင့်က အလယ်တန်းဆင့်/မူဆင့် ကျောင်းသားနှစ်ဦးထံသို့ ပေးအပ်ခြင်း နှင့် အထက်တန်းဆင့် အခမဲ့ပုံနှိပ်ဗလာများအား ပြည်သူ့လွှတ်တော်ကိုယ်စားလှယ် ဦးခွန်အောင်ဆန်းက အထက်တန်းဆင့် ကျောင်းသားတစ်ဦးထံသို့ ပေးအပ်ခဲ့ပါသည်။


ထို့နောက်တွင် မြို့နယ်ပညာကျန်းမာကော်မတီ ဦးမောင်မောင်ဝင်းမှ မြို့နယ်အတွင်း ဆင်းရဲနွမ်းပါးကလေးများအား ထောက်ပံ့ငွေကျပ် ငါးသိန်းအား ဒု-မြို့နယ်ပညာရေးမှူး ဦးစံလှိုင်ထံသို့ ပေးအပ်ခဲ့ပြီး မြို့နယ်အမျိုးသမီးရေးရာအဖွဲ့ ဥက္ကဌ ဒေါ်နှင်းဝင့်ဝင့်ဆွေ က ငါးသောင်းကျပ် ထောက်ပံ့လှူဒါန်းတာကို မြို့နယ်ပညာရေးမှူး ဒေါ်မိုးမိုး ထံသို့ ပေးအပ်ခဲ့ပါသည်။


မြို့နယ်အဆင့် ကျောင်းအပ်နှံရေးအခမ်းအနား ကို အထက(၁)လွိုင်လင် ကျောင်းသား/သူများမှ “ တို့ကျောင်းတော်” သီချင်းဖြင့် သီဆိုနှုတ်ဆက်ပြီး ဆရာ/ဆရာမများမှ ကျောင်းသူ/ကျောင်းသားများကို ကျောင်းအပ်နှံရေးအစီအစဥ်အတိုင်း အခမဲ့ပုံနိပ်ဗလာများ ပေးအပ်ခြင်း တို့ပြုလုပ်ခဲ့ကြသည်။