ပအိုဝ်းစာပေနှင့်ယဉ်ကျေးမှုဗဟိုကော်မတီမှ ၂၀၂၆-၂၀၂၇ ပညာသင်နှစ်အတွက် လုပ်ငန်းညှိနှိုင်းအစည်းအဝေး ကျင်းပ

ပအိုဝ်းစာပေနှင့်ယဉ်ကျေးမှုဗဟိုကော်မတီမှ ၂၀၂၆-၂၀၂၇ ပညာသင်နှစ်အတွက် လုပ်ငန်းညှိနှိုင်းအစည်းအဝေး ကျင်းပ

——————————
မေလ(၂၇)ရက် ၊ ၂၀၂၆
အထူးဒေသ(၆)၊ ရှမ်းပြည်နယ်(တောင်ပိုင်း) ၊တောင်ကြီးမြို့ ၊ ကန်ကြီးရပ်ကွက်၊ ပအိုဝ်းအမျိုးသား ဘက်စုံဖွံ့ဖြိုးတိုးတက်ရေး(ခန်းမ)၌ ပအိုဝ်းစာပေနှင့်ယဉ်ကျေးမှုဗဟိုကော်မတီ၏ ၂၀၂၆-၂၀၂၇ ပညာသင်နှစ်အတွက် လုပ်ငန်းညှိနှိုင်းအစည်းအဝေးကို ယနေ့မေလ၂၇ရက် နံနက်ပိုင်းအချိန်တွင် ကျင်းပပြုလုပ်ခဲ့သည်။

အဆိုပါအစည်းအဝေးတွင် လာမည့်ပညာသင်နှစ်အတွင်း ဒေသတွင်းကျောင်းများ၌ ပအိုဝ်းစာပေသင်ကြားရေးလုပ်ငန်းစဉ်များ ပိုမိုထိရောက်စွာ တိုးမြှင့်ဆောင်ရွက်နိုင်ရေးကို အဓိကထား ဆွေးနွေးခဲ့ကြသည်။ အစည်းအဝေး၌ ကျောင်းသား၊ ကျောင်းသူများ ပအိုဝ်းစာပေကို စနစ်တကျ သင်ယူနိုင်စေရန်အတွက် သင်ရိုးညွှန်းတမ်းဆိုင်ရာ ပြင်ဆင်မှုများ၊ ဆရာ၊ ဆရာမများ၏ သင်ကြားမှုစွမ်းဆောင်ရည် မြှင့်တင်ရေးအစီအစဉ်များအား အသေးစိတ်ညှိနှိုင်းခဲ့သည်။ ထို့အပြင် တိုင်းရင်းသားစာပေသင်ကြားရေးတွင် ပိုမိုအဆင်ပြေချောမွေ့စေရေးအတွက် သက်ဆိုင်ရာပညာရေးဌာနများနှင့် ပူးပေါင်းဆောင်ရွက်မည့် အစီအစဉ်များ၊ လက်ရှိရင်ဆိုင်နေရသည့် အကြောင်းအရာများကို ဖြေရှင်းပေးနိုင်မည့် နည်းလမ်းများကိုလည်း အပြန်အလှန် ဆွေးနွေးခဲ့ကြသည်။

အဆိုပါအစည်းအဝေးသို့ ပအိုဝ်းစာပေနှင့်ယဉ်ကျေးမှုဗဟိုဉက္ကဌ ဦးခွန်ဝင်းကိုနှင့် ကော်မတီဝင်အဖွဲ့ဝင်များများ၊ ပညာရေးတာဝန်ရှိသူများနှင့် ဖိတ်ကြားထားသူများ တက်ရောက်ခဲ့ကြကြောင်း သိရှိရပါသည်။