မောက်မယ်မြို့ရှိ ပရိယတ္တိပါဒတကျောင်းတိုက် ဆရာတော်၏ အန္တိမအဂ္ဂိဈာပနပွဲ ဖြစ်မြောက်ရေးအတွက် သူရိယခမ်း ခမ်းဗွေႏနှင့်အဖွဲ့ အလှူငွေ သွားရောက်လှူဒါန်း

Written by

မေလ ၂၆ ရက်၊ ၂၀၂၆ ခုနှစ်၊
ရှမ်းပြည်နယ်တောင်ပိုင်း လင်းခေးခရိုင် မောက်မယ်မြို့ရှိ ပရိယတ္တိပါဒတကျောင်းတိုက် ပဓာနနယက ဆရာတော် ဘဒ္ဒန္တစန္ဒီမာ (သာသနဓဇ ဓမ္မာစရိယ) ၏ အန္တိမအဂ္ဂိဈာပနပွဲ ဖြစ် မြောက်ရေးအတွက် သူရိယခမ်း ခမ်းဗွေႏ ဖြားကျော်သိန်း၊ ဒုတိယခမ်းဗွေႏ ဖြားဆရာကွံနှင့် သူရိယခမ်း ခေါင်းဆောင်ကြီးများအဖွဲ့မှ အလှူငွေများ သွားရောက်လှူဒါန်းခဲ့ကြောင်း သိရသည်။

မေလ ၂၆ ရက်နေ့ နေ့လယ် ၂ နာရီခန့်တွင် သူရိယခမ်း ဖြားခမ်းဗွေႏနှင့်အဖွဲ့သည် မောက်မယ်မြို့ ပရိယတ္တိပါဒတကျောင်းတိုက်သို့ သွားရောက်ကာ ဆရာတော် ဘဒ္ဒန္တစန္ဒီမာ၏ အန္တိမအဂ္ဂိဈာပနပွဲ ဖြစ်မြောက်ရေးအတွက် ပအိုဝ်းအမျိုးသားခေါင်းဆောင် ဖြားတန်အောင်ခမ်းထီနှင့် ပအိုဝ်းအမျိုးသားတပ်မတော်မှ အလှူငွေ ကျပ်သိန်း ၂၀၀ လှူဒါန်းခဲ့ကြောင်း သိရသည်။

ထို့နောက် ဖြားကျော်သိန်းနှင့်အဖွဲ့သည် ကျောင်းတိုက်အတွင်း ငါးပါးသီလခံယူကာ အလှူငွေများ ဆက်ကပ်လှူဒါန်းခဲ့ပြီး၊ ဆရာတော်ကြီး၏ အန္တိမအဂ္ဂိဈာပနပွဲအတွက် လိုအပ်သည်များရှိပါက ဆက်လက်ကူညီလှူဒါန်းပေးသွားမည်ဖြစ်ကြောင်း လျှောက်ထားကာ ပြန်လည်ထွက်ခွာခဲ့ကြောင်း သိရှိရသည်။