Blog

ရှမ်းပြည်နယ်(တောင်ပိုင်း)၊ ပင်လုံမြို့သို့ နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်သည် တာဝန်ရှိသူများနှင့်အတူ ဇူလိုင်လ ၁၅ ရက် ၂၀၂၆ ခုနှစ် တွင် နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်းကျောင်း(ပင်လုံ)သို့ သွားရောက်တွေ့ဆုံခဲ့သည်။

ပြည်ထောင်စုဝန်ကြီးသည် နေ့လယ် ၁၁ နာရီ ၁၅ မိနစ်အချိန်တွင် သင်တန်းကျောင်းရှိ ကျောင်းသား၊ ကျောင်းသူများနှင့် ဝန်ထမ်းများနှင့်အတူ စုပေါင်းနေ့လယ်စာ သုံးဆောင်ခဲ့ပြီးနောက် တွေ့ဆုံပွဲအခမ်းအနားကို တက်ရောက်ဖွင့်လှစ်ခဲ့သည်။

အခမ်းအနားတွင် နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်းကျောင်း(ပင်လုံ) ကျောင်းအုပ်က သင်တန်းကျောင်း၏ သင်ကြားရေး၊ စီမံခန့်ခွဲရေးနှင့် ဖွံ့ဖြိုးတိုးတက်ရေးဆိုင်ရာ အခြေအနေများကို ရှင်းလင်းတင်ပြခဲ့သည်။

ထို့နောက် နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်က နိုင်ငံတော်၏ လူ့စွမ်းအားအရင်းအမြစ် ဖွံ့ဖြိုးတိုးတက်ရေး၊ တိုင်းရင်းသားစည်းလုံးညီညွတ်ရေးနှင့် ပညာရေးအရည်အသွေး မြှင့်တင်ရေးတို့နှင့်စပ်လျဉ်း၍ လမ်းညွှန်ဩဝါဒ အမှာစကား ပြောကြားခဲ့သည်။

ယင်းနောက် ပြည်ထောင်စုဝန်ကြီးက နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်းကျောင်း(ပင်လုံ)ရှိ ကျောင်းသား၊ ကျောင်းသူများနှင့် ဝန်ထမ်းများအတွက် ဂုဏ်ပြုချီးမြှင့်ငွေများကို ပေးအပ်ချီးမြှင့်ခဲ့ပြီး ကျောင်းသား၊ ကျောင်းသူများကို နွေးထွေးစွာနှုတ်ဆက် စကားပြောပြီးပြန်လည်ထွက်ခွာခဲ့ကြောင်း သိရပါသည်။

အခမ်းနားကို နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်၊ ရှမ်းပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှုးကြီးစိန်ဝင်း၊ နတလညွှန့်ကြားရေးမှုး ၊ လွိုင်လင်မြို့နယ် ပြည်နယ်လွှတ်တော်ကိုယ်စားလှယ် ခွန်သက်နိုင်၊ အမှတ်(၂) ဒုံးစစ်ဆင်ရေးကွပ်ကဲမှုဌာချုပ်မှ ဗိုလ်မှုးချုပ် သန်းထွန်းအောင်၊ တာဝန်ရှိပုဂ္ဂိုလ်များ၊ ဆရာ ဆရာမနှင့် ကျောင်းသား ကျောင်းသူများတက်ရောက်ခဲ့ကြပါသည်။

ရှမ်းပြည်နယ်(တောင်ပိုင်း)၊ လွိုင်လင်မြို့ — ရှမ်းပြည်နယ်အစိုးရအဖွဲ့နှင့် ပြည်နယ်လွှတ်တော် ဒုတိယဥက္ကဋ္ဌ ဦးစိုင်းထွန်းစိန်၊ လူမှုရေးရာဝန်ကြီး ဒေါ်နန်းခမ်းလူ၊ လားဟူတိုင်းရင်းသားရေးရာဝန်ကြီး ဦးဝီလ်ဆင်မိုး၊ အာခါတိုင်းရင်းသားရေးရာဝန်ကြီး ဦးထွန်းအောင်နှင့် တာဝန်ရှိသူများသည် ဇူလိုင် ၁၄ ရက် နံနက် ၁၁ နာရီခွဲတွင် လွိုင်လင်မြို့သို့ ရောက်ရှိပြီး ပြည်သူ့ဆေးရုံ၊ စာသင်ကျောင်းများနှင့် အားကစားကဏ္ဍ ဖွံ့ဖြိုးတိုးတက်ရေးလုပ်ငန်းများကို ကွင်းဆင်းကြည့်ရှုစစ်ဆေးခဲ့ကြသည်။

ရှေးဦးစွာ အဆင့်မြင့်သိပ္ပံနှင့် နည်းပညာဦးစီးဌာန Polytechnic University (ပင်လုံ) သို့ သွားရောက်ရာ လွိုင်လင်မြို့နယ် ပြည်နယ်လွှတ်တော်ကိုယ်စားလှယ် ခွန်သက်နိုင်၊ ကျောင်းအုပ်ဆရာကြီး၊ ဆရာ/ဆရာမများ၊ ကျောင်းသူ/ကျောင်းသားများနှင့် တာဝန်ရှိသူများက နွေးထွေးစွာ ကြိုဆိုခဲ့ကြသည်။

ထို့နောက် ပြည်နယ်ဝန်ကြီးများနှင့် တာဝန်ရှိသူများသည် ကျောင်းအတွင်းရှိ ဌာနများ၊ စာသင်ခန်းများကို လှည့်လည်ကြည့်ရှုခဲ့ပြီး ဆရာ/ဆရာမများ၊ ကျောင်းသူ/ကျောင်းသားများနှင့် တွေ့ဆုံအားပေးခဲ့သည်။ ထို့ပြင် ပထမနှစ်ကျောင်းသား/ကျောင်းသူများ၏ Project တင်ပြမှုကို ကြည့်ရှုအားပေးကာ ဂုဏ်ပြုငွေများ ပေးအပ်ခဲ့ပြီး ကျောင်းအတွက် အားကစားပစ္စည်းများနှင့် ထောက်ပံ့ငွေများလည်း ပေးအပ်ခဲ့သည်။

ယင်းနောက် မွန်းလွဲ ၁ နာရီတွင် လွိုင်လင်မြို့နယ် အားကစားကွင်းသို့ သွားရောက်၍ အားကစားဆိုင်ရာ အဆောက်အအုံများနှင့် လေ့ကျင့်ရေးအခြေအနေများကို ကြည့်ရှုစစ်ဆေးခဲ့ပြီး အားကစားပစ္စည်းများကို မြို့နယ်အားကစားမှူးထံ ထောက်ပံ့ပေးအပ်ခဲ့သည်။

ဆက်လက်၍ လွိုင်လင်မြို့နယ် ပြည်သူ့ဆေးရုံကြီးသို့ သွားရောက်ကာ မြို့နယ်ဆရာဝန်ကြီးနှင့် ကျန်းမာရေးဝန်ထမ်းများအား တွေ့ဆုံအားပေးခဲ့ပြီး ကျန်းမာရေးစောင့်ရှောက်မှု ဆောင်ရွက်နေမှုအခြေအနေများကို လေ့လာကြည့်ရှုခဲ့သည်။ ထို့ပြင် ဆေးရုံတက်ရောက်ကုသမှုခံယူနေသော လူနာများအား အားပေးစကားပြောကြားကာ အာဟာရဖြည့်အစားအစာများ ပေးအပ်ခဲ့သည့်အပြင် ဆေးရုံအတွက် ထောက်ပံ့ငွေများလည်း လှူဒါန်းခဲ့သည်။

ဆေးရုံအစည်းအဝေးခန်းမတွင် လူမှုရေးရာဝန်ကြီး ဒေါ်နန်းခမ်းလူက ကျန်းမာရေးနှင့် ပညာရေးကဏ္ဍများသည် နိုင်ငံဖွံ့ဖြိုးတိုးတက်ရေးအတွက် အရေးပါကြောင်း၊ ဝန်ထမ်းများ စည်းလုံးညီညွတ်စွာ တာဝန်ထမ်းဆောင်နေကြသည်ကို မြင်တွေ့ရသဖြင့် ဝမ်းမြောက်ပီတိဖြစ်ရကြောင်း ပြောကြားခဲ့သည်။ ထို့နောက် ဆေးရုံအုပ်ကြီး ဒေါက်တာအောင်မြင့်သူက ဆေးရုံ၏ လက်ရှိဆောင်ရွက်နေမှုများ၊ ကျန်းမာရေးဝန်ဆောင်မှုအခြေအနေနှင့် ရှေ့ဆက်ဆောင်ရွက်မည့် လုပ်ငန်းစဉ်များကို ရှင်းလင်းတင်ပြခဲ့သည်။

ယင်းနောက် လွိုင်လင်မြို့ အမှတ်(၂) အခြေခံပညာအထက်တန်းကျောင်းသို့ သွားရောက်၍ စာသင်ခန်းများ၊ စာကြည့်တိုက်၊ ကျောင်းအဆောက်အအုံများနှင့် ရုံးခန်းများကို လှည့်လည်ကြည့်ရှုစစ်ဆေးခဲ့ပြီး ဆရာ/ဆရာမများ၊ ကျောင်းသူ/ကျောင်းသားများနှင့် တွေ့ဆုံအားပေးခဲ့သည်။ ထို့ပြင် ကျောင်းအတွက် အားကစားပစ္စည်းများနှင့် ထောက်ပံ့ငွေများကို ပေးအပ်ခဲ့သည်။

တွေ့ဆုံပွဲအပြီးတွင် ပြည်နယ်ဝန်ကြီးများက ဆရာ/ဆရာမများအား ကျောင်း၏ အောင်ချက်မြင့်မားရေးအတွက် ဆက်လက်ကြိုးပမ်းဆောင်ရွက်ကြရန် တိုက်တွန်းမှာကြားခဲ့ပြီး ကျောင်းအုပ်ဆရာမကြီးက အမှတ်တရလက်ဆောင်များ ပြန်လည်ပေးအပ်ခဲ့သည်။

ထို့အပြင် ကျောင်းဝင်းအတွင်းရှိ အန္တရာယ်ဖြစ်ပေါ်နိုင်သည့် နှစ်ထပ်ကျောင်းဆောင်အား သက်ဆိုင်ရာ လုပ်ထုံးလုပ်နည်းများနှင့်အညီ အသစ်ပြန်လည်ဆောက်လုပ်နိုင်ရေး ဆောင်ရွက်သွားမည်ဖြစ်ကြောင်း သိရသည်။

တောင်ကြီး၊ ဇူလိုင် ၁၅

ရှမ်းပြည်နယ် (တောင်ပိုင်း)၊ တောင်ကြီးမြို့နယ် ပြည်နယ်လွှတ်တော်ကိုယ်စားလှယ် အမှတ်(၁) ခွန်ကြည်၊ အမှတ်(၂) ခွန်ဆောင်းရွှေနှင့် ဌာနဆိုင်ရာတာဝန်ရှိသူများ၊ ရပ်ကျေးအုပ်ချုပ်ရေးမှူးများသည် ယနေ့ ဇူလိုင် ၁၅ ရက်က တောင်ကြီးမြို့နယ်၊ မွေတော်နန်းဟောင်းကျေးရွာအုပ်စုရှိ ကျေးရွာများသို့ သွားရောက်၍ ဒေသဖွံ့ဖြိုးတိုးတက်ရေးဆိုင်ရာ လိုအပ်ချက်များကို ကွင်းဆင်းစစ်တမ်းကောက်ယူခဲ့ကြောင်း သိရသည်။

ကွင်းဆင်းစစ်တမ်းကောက်ယူရာတွင် ကျေးရွာနေပြည်သူများ၏ အမှန်တကယ်လိုအပ်လျက်ရှိသော သောက်သုံးရေရရှိရေး၊ ဒေသထွက်စိုက်ပျိုးရေးထုတ်ကုန်များ သယ်ယူပို့ဆောင်နိုင်ရေးအတွက် ကုန်ထုတ်လမ်းများ အဆင့်မြှင့်တင်ရေး၊ စာသင်ကျောင်းများရှိ သင်ကြားရေးလိုအပ်ချက်များ၊ ဆရာ/ဆရာမ လုံလောက်မှု၊ ကျောင်းဆောင်များနှင့် ဝန်ထမ်းအိမ်ရာလိုအပ်ချက်များကို ဒေသခံပြည်သူများက တင်ပြဆွေးနွေးခဲ့ကြသည်။

တင်ပြချက်များအပေါ် ပြည်နယ်လွှတ်တော်ကိုယ်စားလှယ်များက လိုအပ်သောအချက် အလက်များကို စနစ်တကျ စုဆောင်းမှတ်တမ်းတင်ခဲ့ပြီး ရရှိလာသည့် စစ်တမ်းအချက်အလက်များကို သက်ဆိုင်ရာလွှတ်တော်သို့ တင်ပြကာ ဒေသဖွံ့ဖြိုးရေးလုပ်ငန်းများ ဆောင်ရွက်နိုင်ရေးအတွက် ဆက်လက်ကြိုးပမ်းဆောင်ရွက်သွားမည်ဖြစ်ကြောင်း သိရသည်။

ယင်းကွင်းဆင်းစစ်တမ်းကို မွေတော်နန်းဟောင်းကျေးရွာအုပ်စုအတွင်းရှိ နန်းဟောင်းရွာသစ်၊ လုံးကေရွာ၊ မုဲင်းတနောင်းရွာ၊ ကုန်းကျောင်းရွာ၊ ဘန့်ကွဲရွာ၊ ကျောင်းတောရွာ၊ နောင်ကျင်းရွာ၊ ထီတဖြေရွာ၊ မောက်စံရွာ၊ ကောင်မူစဉ်ရွာနှင့် နောင်နျားရွာတို့တွင် ဆောင်ရွက်ခဲ့ကြောင်း သိရသည်။

တောင်ကြီး၊ ဇူလိုင် ၁၀ရက်၊

၂၀၂၆ ခုနှစ် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဖလား မြို့နယ်အလိုက် အသက် (၂၃)နှစ်အောက် ပိုက်ကျော်ခြင်းပြိုင်ပွဲ ဆုချီး မြှင့်ပွဲကို ဇူလိုင် ၁၀ ရက် မွန်းလွဲ ၃ နာရီက တောင်ကြီးမြို့ရှိ လေ့ကျင့်ရေးအားကစားရုံ၌ ကျင်းပခဲ့သည်။

အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်တရားလွှတ်တော် တရားသူကြီးချုပ်၊ ရှမ်းပြည်နယ်ရဲတပ်ဖွဲ့မှူး၊ ရှမ်းပြည်နယ်စာရင်းစစ်ချုပ်၊ တိုင်းရင်းသားရေးရာဝန်ကြီးများ၊ တာဝန်ရှိသူများ၊ အားကစားသမားများနှင့် ဖိတ်ကြားထားသူများ တက်ရောက်ခဲ့ကြသည်။

ဆုချီးမြှင့်ပွဲတွင် အမျိုးသမီးပြိုင်ပွဲ၏ ပွဲစဉ်တစ်လျှောက် အကောင်းဆုံးအားကစားသမားဆုကို တောင်ကြီးမြို့နယ်အသင်းမှ မအိသူကျော်က ရရှိခဲ့ပြီး ဆုတံဆိပ်နှင့် ငွေသားဆု ကျပ်(၁)သိန်း ချီးမြှင့်ခံခဲ့ရသည်။ ထို့အပြင် အမျိုးသားပြိုင်ပွဲအတွက် အကောင်းဆုံးရိုက်ခုတ်၊ အကောင်းဆုံးပင့်ထောင်နှင့် အကောင်းဆုံးနောက်ထိန်းဆုများကိုလည်း ဆုတံဆိပ်နှင့် ငွေသားဆုများကို ရှမ်းပြည်နယ်အစိုးရအဖွဲ့ဝင် ဝန်ကြီးများက အသီးသီး ချီးမြှင့်ပေးအပ်ခဲ့သည်။

အဆိုပါပြိုင်၌ အမျိုးသမီးပြိုင်ပွဲတွင် တောင်ကြီးမြို့နယ်အသင်းက ပထမဆု၊ လင်းခေးမြို့နယ်အသင်းက ဒုတိယဆု၊ ရွာငံမြို့နယ်နှင့် ရပ်စောက်မြို့နယ်အသင်းတို့က ပူးတွဲတတိယဆုများ ရရှိခဲ့ကြပြီး၊ အမျိုးသား (၃)ဦးတွဲပြိုင်ပွဲတွင် လားရှိုးမြို့နယ်အသင်းက ပထမဆု၊ လင်းခေးမြို့နယ်အသင်းက ဒုတိယဆု၊ ကလောမြို့နယ်နှင့် တောင်ကြီးမြို့နယ်အသင်းတို့က ပူးတွဲတတိယဆုများ ရရှိခဲ့ကြသည်။

အမျိုးသား (၄)ဦးတွဲပြိုင်ပွဲတွင် လင်းခေးမြို့နယ်အသင်းက ပထမဆု၊ လားရှိုးမြို့နယ်အသင်းက ဒုတိယဆု၊ ပူးတွဲတတိယဆုရရှိသောအသင်းက ပင်လောင်းမြို့နယ်အသင်းဖြစ် ကြောင်း သိရသည်။

ထို့နောက် ရှမ်းပြည်နယ်ဝန်ကြီးချုပ်က အမျိုးသမီးပြိုင်ပွဲ၊ အမျိုးသား (၃)ဦးတွဲနှင့် အမျိုးသား (၄)ဦးတွဲ ပြိုင်ပွဲများ၏ ပထမဆုရအသင်းများအား ဂုဏ်ပြုဖလားများနှင့် ငွေသားဆုများ ပေးအပ်ချီးမြှင့်ခဲ့ပြီး ပြိုင်ပွဲတွင် ဆုရရှိသောအသင်းများနှင့် စုပေါင်းဓာတ်ပုံရိုက်ကူးခဲ့အခမ်းအနားကို အောင်မြင်စွာ ရုပ်သိမ်းခဲ့ကြောင်း သိရသည်။

ရှမ်းပြည်နယ်(တောင်ပိုင်း) ပင်လုံမြို့သို့ ဇူလိုင် ၁၀ ရက်က ရှမ်းပြည်နယ်အစိုးရအဖွဲ့နှင့် ပြည်နယ်လွှတ်တော်ဒုတိယဥက္ကဋ္ဌ ဦးစိုင်းထွန်းစိန်၊ လူမှုရေးရာဝန်ကြီး ဒေါ်နန်းခမ်းလူ၊ လားဟူတိုင်းရင်းသားရေးရာဝန်ကြီး ဦးဝီလ်ဆင်မိုး၊ အာခါတိုင်းရင်းသားရေးရာဝန်ကြီးနှင့် သက်ဆိုင်ရာတာဝန်ရှိသူများသည် စာသင် ကျောင်းများနှင့် ပင်လုံတိုက်နယ်ဆေးရုံသို့ သွားရောက်ကာ ကွင်းဆင်းစစ်ဆေးခဲ့ကြောင်း သိရသည်။

ခရီးစဉ်အတွင်း ပင်လုံမြို့ အမှတ်(၁) အခြေခံပညာအထက် တန်းကျောင်းသို့ ရောက်ရှိရာ လွိုင်လင်မြို့နယ် ပြည်နယ်လွှတ် တော်ကိုယ်စားလှယ် ခွန်သက်နိုင်၊ ကျောင်းအုပ်ဆရာမကြီး၊ ဆရာ/ဆရာမများ၊ ကျောင်းသူ/ကျောင်းသားများ၊ ရှမ်းတိုင်းရင်းသားစာပေနှင့် ယဉ်ကျေးမှုအဖွဲ့ဝင်များ၊ ကျောင်းအကျိုးတော်ဆောင်အဖွဲ့တို့က နွေးထွေးစွာ ကြိုဆိုခဲ့ကြပါသည်။

ထို့နောက် တာဝန်ရှိသူများသည် ကျောင်းအဆောက်အဦများ၊ အားကစားကွင်းနှင့် စာသင်ခန်းများကို လှည့်လည်ကြည့်ရှုစစ်ဆေးခဲ့ပြီး ဆရာ/ဆရာမများ၊ ကျောင်းသူ/ကျောင်းသားများနှင့် တွေ့ဆုံမိတ်ဆက်ကာ အားကစားပစ္စည်းများကို ထောက်ပံ့ပေးအပ်ခဲ့ပြီး ပြည်နယ်လွှတ်တော် \ဒုတိယဥက္ကဋ္ဌ ဦးစိုင်းထွန်းစိန်

က ယခုကဲ့သို့ ကွင်းဆင်းလာရခြင်းမှာ ကျောင်းအဆောက်အဦများ၊ ဆရာ/ဆရာမများနှင့် ကျောင်းသူ/ကျောင်းသားများ၏ လိုအပ်ချက်များကို လက်တွေ့သိရှိနိုင်ရန် ကွင်းဆင်းရခြင်းဖြစ်ကြောင်း ပြောကြားခဲ့သည်။

ယင်းနောက် အမှတ်(၂) အခြေခံပညာအလယ်တန်း(ခွဲ) ကျောင်းနှင့် အမှတ်(၃) အခြေခံပညာအလယ်တန်းကျောင်းတို့ကိုလည်း ဆက်လက်ကွင်းဆင်းစစ်ဆေးခဲ့ပြီး လိုအပ်ချက်များကို ဖြည့်ဆည်းဆောင်ရွက်ပေးနိုင်ရေး မှာကြားခဲ့သည်။

ဆက်လက်၍ ပင်လုံတိုက်နယ်ဆေးရုံသို့ သွားရောက်ကာ ဆေးကုသမှုခံယူနေသည့် ကလေးဖွားမိခင်များအား အားပေးစကားပြောကြားခဲ့ပြီး ဆေးရုံအတွက် လိုအပ်သောပစ္စည်းများကို ထောက်ပံ့ပေးအပ်ခဲ့ကြောင်း သိရသည်။

ရှမ်းပြည်နယ်(တောင်ပိုင်း)၊ ပင်လုံမြို့အနောက်တောင် ပန်မုန်းကျေးရွာအုပ်စု လွယ်တပ်ရွာဘုန်းတော်ကြီးကျောင်းတွင် ကျင်းပပြုလုပ်သည့် လွိုင်တပ်ဘုန်းတော်ကြီးကျောင်း ဆရာတော် ဘဒ္ဒန္တဝေပုလ္လ ၏ သက်တော် (၉၂) ပြည့် ဝိဇာတမွေးနေ့အလှူမင်္လာသို့ ပင်လုံမြို့ မြို့မ မင်္ဂလာနောင်ကွတ် ပရိယတ္တိစာသင်တိုက် ဦးစီးပဓာန ဆရာတော် ဘဒ္ဒန္တပညာဗလ ကြွရောက်ချီးမြှင့်ခဲ့ကြောင်းသိရပါသည်။

၁၃၈၈ခုနှစ်၊ ပထမဝါဆိုလဆုတ်(၉)ရက် ဗုဒ္ဓဟူးနေ့ တွင်ကျရောက်သည့် ဆရာတော် ဘဒ္ဒန္တဝေပုလ္လ ၏ သက်တော် (၉၂) ပြည့် ဝိဇာတမွေးနေ့အလှူမင်္လာအခမ်းအနားကို မျင်ꩻမိုရ်ႏခမ်း ဒု−ခမ်းဗွေႏ ဗိုလ်မှူးဘယ်ရီ၊ ဖြာႏတန်ကောင်ခယ်ႏဗျူဟာ ဗျူဟာမှူး ခွန်သာထွန်း နှင့် အဖွဲ့၊ တာဝန်ရှိပုဂ္ဂိုလ်များ၊ ဖိတ်ကြားထားသောဧည့်သည်တော်များ နှင့် ပင်လုံအနီးတဝိုက်ရှိ မိဘပြည်သူများ တို့လည်း မွေးနေ့မင်္ဂလာဆုတောင်းစကားများဖြင့် တက်ရောက်ဂါရဝပြုခဲ့ကြပါသည်။

တက်ရောက်လာသော မျင်ꩻမိုရ်ႏခမ်း ဒု−ခမ်းဗွေႏ ဗိုလ်မှူးဘယ်ရီ နှင့် ဗျူဟာမှုး တို့က ဆရာတော်ဘုရားကို သာသနာအကျိုးဆက်လက် သယ်ပိုးဆောင်ရွက်ပေးဖို့ လျှောက်ထားပြီး ဆရာတော်၏ ကျန်းမာရေးနှင့် သာသနာတော် တိုးတက်ရေးအတွက် ဆုတောင်းပေးခဲ့ လှူဖွယ်အစုအစုတို့နှင့် ကန်တော့ခဲ့ကြောင်းသိရပါသည်။

ထို့နောက် တက်ရောက်လာသော ဧည့်သည်တော်များ နှင့် ကျောင်းဒကာ၊ ဒယိကာမ များက ဝတ္ထု၊ သင်္ကန်း ၊ အလှုဖွယ်ပစ္စည်းများ တို့ဖြင့် ကပ်လှူကန်တော့ကြပြီး ဆရာတော်ဘုရားကြီး ၏ ကျန်းမာရေးနှင့် မိမိဒေသတွက် သာသနာအကျိုး အားကိုးရသည်ဖြစ်၍ ဆက်လက်သီတင်းသုံးဆောင်ဖို့ မေတ္တာပို့ ပင့်လျှောက်ခဲ့ကြပါသည်။

ကြွရောက်လာသောသံဃာတော်များအား နေ့ဆွမ်းကပ်လှူ ခြင်း၊ ဧည့်သည်တော်များကိုဧသည့်ခံကျွေးမွေးခြင်းများ ပြုလုပ်ခဲ့ကြကာ မင်္ဂလာနောင်ကွတ်ကျောင်းဆရာတော်၏ တရားတော်ကို အတူတကွစုပေါင်းနာယူပြီး ရေစက်ချအမျှဝေ ခဲ့ကြောင်း သိရပါသည်။ဤကျောင်းတွင် နှစ်ပေါင်း (၅၀)ကျော် ကြာမြင့်ပြီဖြစ်ပြီး မျင်ꩻမိုရ်ႏခမ်း ဒု-ခမ်းဗွေႏ ငယ်စဥ်ခါက ပညာဆည်းပူးခဲ့သော ကျောင်းတစ်ကျောင်းလည်းဖြစ်ကြော င်းသိရပါသည်။

အထူးဒေသ(၆)၊ ရှမ်းပြည်နယ်တောင်ပိုင်း၊ ကလောမြို့နယ်၊ ပင်မှီကျေးရွာအုပ်စု၊ မွေတော်ကျေးရွာရှိ မွေတော်ဘုန်းတော်ကြီးကျောင်းတွင် ဒေသဆိုင်ရာဖွံ့ဖြိုးတိုးတက်ရေးအတွက် ပင်မှီဒေသမှ မိဘပြည်သူများနှင့် လူထုတွေ့ဆုံပွဲ အခမ်းအနားကို ၁၃၈၈ ခုနှစ်၊ ပထမဝါဆိုလဆန်း (၆) ရက် (၂၀၂၆ ခုနှစ်၊ ဇူလိုင်လ ၅ ရက်) တနင်္ဂနွေနေ့၌ ကျင်းပပြုလုပ်ခဲ့ကြောင်း သိရသည်။

အခမ်းအနားသို့ ပအိုဝ်းအမျိုးသားအဖွဲ့ချုပ် (PNO) ပါတီ အထွေထွေအတွင်းရေးမှူးချုပ် ဖြားတန်ခွန်သိန်းဖေ၊ ရှမ်းပြည်နယ်လွှတ်တော်ကိုယ်စားလှယ် ဦးခွန်ထွန်းငယ်၊ တာဝန်ရှိပုဂ္ဂိုလ်များ၊ ဒေသခံမိဘပြည်သူများနှင့် လူငယ်များ တက်ရောက်ခဲ့ကြသည်။ တက်ရောက်လာသူများသည် သံဃာတော်အရှင်သူမြတ်များထံမှ ငါးပါးသီလခံယူဆောက်တည်ကာ ဩဝါဒတရားများကို နာယူခဲ့ကြပြီး၊ ထို့နောက် “နမောတဿ” သုံးကြိမ်ရွတ်ဆို၍ အခမ်းအနားကို ဖွင့်လှစ်ခဲ့ကြပြီး ပင်မှီကျေးရွာအုပ်စု အုပ်ချုပ်ရေးမှူး ဦးခွန်ဌေးအောင်က အဖွင့်အမှာစကား ပြောကြားခဲ့သည်။

ယင်းနောက် ပအိုဝ်းအမျိုးသားအဖွဲ့ချုပ် (PNO) ပါတီ အထွေထွေအတွင်းရေးမှူးချုပ် ဖြားတန်ခွန်သိန်းဖေမှ ရပ်ရွာဒေသဖွံ့ဖြိုးတိုးတက်ရေးအတွက် ပြည်သူများအနေဖြင့် စည်းလုံးညီညွတ်စွာ ပူးပေါင်းပါဝင်ဆောင်ရွက်ကြရန်၊ ပညာရေးကိုအထူးအလေးပေးရန်ပြောကြားပြီး၊ စိုက်ပျိုးရေးနှင့် ဒေသစီးပွားရေးကဏ္ဍများကို အားပေးမြှင့်တင်ကြရန် တိုက်တွန်းပြောကြားခဲ့သည်။ ထို့အပြင် ယခုလွှတ်တော်ခေတ်တွင် မိဘပြည်သူများ၏ လိုအပ်ချက်များ၊ အခက်အခဲများနှင့် ဒေသဖွံ့ဖြိုးရေးဆိုင်ရာ အကြံပြုချက်များကို လွှတ်တော်ကိုယ်စားလှယ်များမှတစ်ဆင့် လွှတ်တော်သို့ တင်ပြနိုင်သည့်အတွက် ပြည်သူများအနေဖြင့် တက်ကြွစွာ ပူးပေါင်းပါဝင်ကြရန်လည်း တိုက်တွန်းပြောကြားခဲ့သည်။

ဆက်လက်၍ ကလောမြို့နယ် ပြည်နယ်လွှတ်တော်ကိုယ်စားလှယ် ဦးခွန်ထွန်းငယ်က လွှတ်တော်၏ လုပ်ငန်းဆောင်ရွက်မှုများ၊ မိဘပြည်သူများ၏ လိုအပ်ချက်များကို လွှတ်တော်မှတစ်ဆင့် တင်ပြဆောင်ရွက်ပေးနေမှုများနှင့် လွှတ်တော်ဆိုင်ရာ အတွေ့အကြုံများကို ဆွေးနွေးပြောကြားခဲ့သည်။

ထို့နောက် NIYO Media ဥက္ကဋ္ဌ ဦးခွန်ဆန်းအောင်က မီဒီယာ၏ သဘောတရားနှင့် အခန်းကဏ္ဍ၊ သတင်းမီဒီယာနှင့် ဆိုရှယ်မီဒီယာတို့၏ ကွာခြားချက်များ၊ ဆိုရှယ်မီဒီယာ၏ အကျိုးကျေးဇူးများနှင့် သတိပြုရမည့် ဆိုးကျိုးများအပြင် သတင်းမီဒီယာ၏ တာဝန်၊ ကျင့်ဝတ်နှင့် လူမှုအသိုက်အဝန်းအပေါ် အရေးပါပုံတို့ကို ရှင်းလင်းဟောပြောခဲ့သည်။

ယင်းနောက် ပအိုဝ်းအမျိုးသားအဖွဲ့ချုပ် (PNO) ပါတီ ဗဟိုကော်မတီဝင် ခွန်ထိုက်ခမ်းက နိဂုံးချုပ်အမှာစကားနှင့် ကျေးဇူးတင်စကား ပြောကြားခဲ့ပြီး၊ တက်ရောက်လာကြသူများက “ဗုဒ္ဓသာသနံ စိရံ တိဋ္ဌတု” သုံးကြိမ်ရွတ်ဆို၍ အခမ်းအနားကို အောင်မြင်စွာ ရုပ်သိမ်းခဲ့ကြောင်း သိရသည်။

အခန်းအနားတွင် သံဃာတော်အရှင်သူမြတ်များ၊ ပအို၀်းအမျိုူသားအဖွဲ့ချုပ်(PNO)ပါတီနှင့်တာ၀န်ရှိပုဂ္ဂိုလ်များ၊ လွတ်တော်ကိုယ်လှယ်နှင့် မီဒီအဖွဲ့များ၊ ကလောမြို့နယ်ရှိတာ၀န်ရှိပုဂ္ဂိုလ်များ၊ ပင်မှီဒေသမှ မိဘပြည်သူများနှင့်လူငယ်များတက်ရောက်ခဲ့ကြောင်းသိရသည်။

ဇူလိုင်လ ၅ ရက်၊ ၂၀၂၆ ခုနှစ်

အထူးဒေသ (၆)၊ ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နောင်တရားမြို့ရှိ စန္တားခမ်း ပအိုဝ်းအမျိုးသားဘက်စုံဖွံ့ဖြိုးရေး တပေါင်းကွင်း (ဒဲဉ်သီဗွေကွင့်) ဓမ္မာရုံကျောင်းဆောင်ကြီး၌ ပအိုဝ်းစာပေနှင့် ယဉ်ကျေးမှုအဖွဲ့ ခေါင်းဆောင်အသစ်များ ရွေးချယ်တင်မြောက်ခြင်းနှင့် စန္တားခမ်း T.A/L.T ဆရာ/ဆရာမများအကြား ပူးပေါင်းဆောင်ရွက်မှု ပိုမိုခိုင်မာစေရန် ရည်ရွယ်၍ ဇူလိုင်လ ၅ ရက်နေ့ နံနက် ၁၀ နာရီအချိန်တွင် မျက်နှာစုံညီတွေ့ဆုံအစည်းအဝေးတစ်ရပ် ကျင်းပပြုလုပ်ခဲ့ကြောင်း သိရသည်။

အခမ်းအနားကို ဆရာတော်များနှင့် တကာ၊ တကာမများမှ နမောတဿ သုံးကြိမ်ရွတ်ဆိုကာ ဖွင့်လှစ်ခဲ့ပြီး၊ ဆရာတော်များနှင့် သံဃာတော်များထံမှ တရား နာယူကာ ငါးပါးသီလခံယူခဲ့ကြသည်။ ထို့နောက် စန္တားခမ်းရုမ်း ဥက္ကဋ္ဌ ဒေါက်တာစိုးမိုးကျော်က အဖွင့်အမှာစကား ပြောကြားခဲ့ကြောင်း သိရသည်။

ဆက်လက်၍ ပအိုဝ်းစာပေနှင့် ယဉ်ကျေးမှုအဖွဲ့ ဒုတိယဥက္ကဋ္ဌ ခွန်ကျော်ရွှေက အစည်းအဝေးခေါ်ယူကျင်းပရသည့် ရည်ရွယ်ချက်နှင့် အကြောင်းအရင်းများကို ရှင်းလင်းပြောကြားခဲ့ပြီး၊ ဆောင်းတွုမ်းကျောင်း ဆရာတော် ဘဒ္ဒန္တ ဥတ္တရလင်္ကာရက သြဝါဒစကားနှင့် အားပေးစကားများ မြွက်ကြားခဲ့ကြောင်း သိရသည်။

ထို့နောက် နောင်တရားဒေသအတွင်း ပအိုဝ်းစာပေနှင့် ယဉ်ကျေးမှုအဖွဲ့၏ ဥက္ကဋ္ဌနှင့် အမှုဆောင်အဖွဲ့အား ပြန်လည်ရွေးချယ်တင်မြောက်ရာတွင် ယခင်၅နှစ်တာကာလအတွင်း တာဝန်ထမ်းဆောင်ခဲ့ကြသူများ၏ လုပ်ငန်းဆောင်ရွက်ချက်များကို ပြန်လည်သုံးသပ်ကာ ဆက်လက်ဆောင်ရွက်ရမည့်လုပ်ငန်းစဉ်များကိုလည်း ဆွေးနွေးခဲ့ကြသည်။

ယင်းနောက် တက်ရောက်လာကြသော ဆရာတော်များ၊ သံဃာတော်များ၊ တာဝန်ရှိပုဂ္ဂိုလ်များနှင့် မိဘပြည်သူများ၏ သဘောတူညီချက်ဖြင့် နောင်တရားဒေသ ပအိုဝ်းစာပေနှင့် ယဉ်ကျေးမှုအဖွဲ့ ဥက္ကဋ္ဌအဖြစ် မော်နန်း၊ ဒုတိယဥက္ကဋ္ဌအဖြစ် ခွန်အောင်ကီး နှင့် အတွင်းရေးမှူးအဖြစ် ခွန်တီးမောင်း တို့ကို ရွေးချယ်တင်မြောက်ခဲ့ကြောင်း သိရသည်။

ဆက်လက်၍ စန္တားခမ်း အစိုးရစာသင်ကျောင်း T.A/L.T ဆရာ/ဆရာမအဖွဲ့ ဥက္ကဋ္ဌ နန်းမိုးသီတာက မိမိတို့၏ လုပ်ငန်းဆောင်ရွက်မှုအတွေ့အကြုံများ၊ ရင်ဆိုင်ကြုံတွေ့ခဲ့ရသည့် အခက်အခဲများနှင့် ရှေ့ဆက်ပူးပေါင်းဆောင်ရွက်သွားမည့် အစီအစဉ်များကို မျှဝေပြောကြားခဲ့ကြောင်း သိရသည်။

ထို့နောက် တက်ရောက်လာကြသော ကျေးရွာအုပ်ချုပ်ရေးမှူးများ၊ မိဘပြည်သူများနှင့် တာဝန်ရှိပုဂ္ဂိုလ်များက ပအိုဝ်းစာပေ၊ ယဉ်ကျေးမှုနှင့် ပညာရေးလုပ်ငန်းများ ပိုမိုဖွံ့ဖြိုးတိုးတက်ရေးအတွက် အကြံပြုဆွေးနွေးမှုများ အပြန်အလှန်ပြုလုပ်ခဲ့ကြသည်။

အစည်းအဝေးအပြီးတွင် ဦးခွန်ထွန်းရွှေက ကျေးဇူးတင်စကား ပြောကြားခဲ့ပြီး၊ “ဗုဒ္ဓသာသနံ စိရံ တိဋ္ဌတု” သုံးကြိမ်ရွတ်ဆိုကာ အခမ်းအနားကို အောင်မြင်စွာ ရုပ်သိမ်းခဲ့ကြောင်း သိရသည်။အဆိုပါ တွေ့ဆုံအစည်းအဝေးသို့ ဆရာတော်များ၊ သံဃာတော်များ၊ စန္တားခမ်းရုမ်းဥက္ကဋ္ဌနှင့် တာဝန်ရှိပုဂ္ဂိုလ်များ၊ ကျေးရွာအုပ်ချုပ်ရေးမှူးများ၊ T.A/L.T ဆရာ/ဆရာမများနှင့် ဒေသခံမိဘပြည်သူများ တက်ရောက်ခဲ့ကြကြောင်း သိရသည်။

အထူꩻဒေႏသ(၆)၊ ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသ/ ဝေင်ꩻဟိုပုံꩻ နောင်တောင်ꩻ ဗုဒ္ဓကောလိပ်ကို ဖေႏကသွဥ်ထူႏနွောင်ꩻ ပအိုဝ်ႏဘီအေအတန်ꩻတွမ်ႏ အမ်အေအတန်ꩻနဝ်ꩻ ဗွေႏသံႏဃာႏတောႏတန်သီးယို ဟန်ႏနီꩻ သာႏသနာႏနေင်ႏ- ၂၅၇ဝ- ဗာႏ၊ ကောႏဇာႏနေင်ႏ- ၁၃၈၈- ဗာႏ ခရစ်နေင်ႏ ၂ဝ၂၆ ပထမဝါႏဆိုႏလာလောင်း (၆) နီꩻ မွူးနီꩻ တနင်ꩻနွေႏ (၅/၇/၂၀၂၆)နီꩻနဝ်ꩻ အွဥ်ငါခြိ့ꩻထူႏ မာꩻလွေꩻ နောင်တောင်ꩻ ဗုဒ္ဓကောလိပ် ပညာႏရေꩻပွယ်ꩻအုံကွံ နဝ်ꩻသွူ။

ကမာꩻလွေꩻဗာႏ နောင်တောင်ꩻ ဗုဒ္ဓကောလိပ် ပညာႏရေꩻ ပွယ်ꩻအုံကွံအင်းမိုးချက်နဝ်ꩻ “ခေတ်ပညာႏတွမ်ႏ ဓမ္မအစွန်ꩻအထီ ပေါင်ꩻဆွိုက်ထွူတဲင် စွိုးခွိုꩻ လိုꩻမျိုꩻ ဘာႏသာႏ သာႏသနာႏအမွီႏဖုံႏယို ရက်အွဥ်ႏတန်ႏဖိုꩻဒါႏ ပုဂ္ဂိုလ်ႏထွာထွူတဲင် ယံဖေႏနေးထွာလွဥ် လိုꩻယေန်ႏကေႏ အလွောင်ႏအဗူႏစွိုꩻ”နောဝ်ꩻမꩻ မာꩻလွေꩻထွာဗာႏ ပွယ်ꩻအုံကွံအကျောင်ꩻ ဗွေႏဆရာႏတောႏ ကျောင်ꩻနောင်တောင်ꩻ ဒေါ့ꩻလဝ်းလွေꩻ နယ်ဖေႏနုဲင်းယို နောဝ်ꩻသွူ။

နဝ်ꩻထွူ နောင်တောင်ꩻဗုဒ္ဓကောလိပ်ကထိက ဗွေႏနာရဒ ဒေါ့ꩻခြုံင်းနယ်လွေꩻဖေႏ ဗုဒ္ဓ ဓမ္မ ဒီပလိုမာတန်ꩻ၊ ဗုဒ္ဓ ဓမ္မ လောကဟိတ ဘီအေတန်ꩻတွမ်ႏယိုခါ ပအိုဝ်ႏဘီအေတန်ꩻ ကအဝ်ႏသွဉ်ထူႏထွူလဲဉ်းဒါႏ လိတ်ဘာႏသာႏတွမ်ႏ သွဉ်ထူႏပွုံႏစံႏ အနယ်ꩻဖုံႏနဝ်ꩻသွူ။

တသွုပ်ချင်ႏ ဗွေႏဆရာႏတောႏကျောင်ꩻနောင်တောင်ꩻ ဒေါ့ခြုဲင်းနယ်လွေꩻဖေႏ ကမဲဉ်ဗွောင်လွေꩻဒါႏ (အမ်အေ) တန်ꩻအကျောင်ꩻခရာႏထွူ

ပွိုင်းဝွို့တွမ်း အမ်အေ တန်ꩻပညာႏရေꩻအတာႏ ထွာထွိုက်ထွာသင်ꩻနုဲင်းမုဲင်ꩻ၊ အဝ်ႏလိုႏမာꩻနုဲင်းမုဲင်ꩻ၊ မာꩻအပွုံႏမုဲင်ꩻ၊ ဘာႏသာႏဖုံႏယို အွဉ်ႏထွော့လွေꩻဗာႏနုဲင်းမုဲင်ꩻ စစွဥ်ႏအနယ်ꩻဖုံႏယို ဒေါက်တာ ပဝရ ဒေါ့ꩻခြုဲင်းနယ်ဖေႏကျံႏဉာဏ်ႏလွေꩻနုဲင်းနဝ်ꩻသွူ။

ဟန်ႏနီꩻ ပွယ်ꩻအုံကွံကို ကကျွꩻထင်ႏလွဥ်ဒါႏ ဗွေႏသံႏဃာႏတောႏတန်သီး ကဆွေꩻနွေꩻအုံကွံ ခြိ့ꩻထူႏလွေꩻဒါႏ နောင်တောင်ꩻဗုဒ္ဓကောလိပ် ပအိုဝ်ႏလိတ်လုဲင်ꩻပညာႏရေꩻအတာႏယို လိုꩻကထန်ႏတရတ်ဒါႏလိတ်အိန်ကျောင်းသား၊ ၁၂ တန်ꩻထွူလဲဥ်းသား၊ ပုဂ္ဂိုလ်ႏလိုꩻကျောင်ꩻ/သီႏလဗွာ အတန်ꩻတန်ထွူလဲဥ်းသားဖုံႏလဲ့နဝ်ꩻ တယ်ႏစွဥ်ႏ လိတ်တန်ꩻအခေႏခံႏအရန်းရန်းတဲင် ဖေႏကသွဥ်ထူႏနွောင်ꩻပါ ပအိုဝ်ႏ(ဘီအေ)ဘွဲ့အတန်ꩻတွမ်ႏ (အမ်အေ)ဘွဲ့အတန်ꩻဖုံႏ၊ ဖေႏကထဲမ်သော့ꩻပါနွောင်ꩻလိတ်ပအိုဝ်ႏစခါ၊ ငိမ်ꩻချံꩻရေꩻ(ခွꩻစုံရျူႏ)ဘာႏသာႏ စစွဥ်ႏအစွိုးစွိုးအဒဝ်ႏဒဝ်ႏဖုံႏယို အုံကွံဆွေꩻနွေꩻတွိုင်ႏပင်ႏလွေꩻ အကျောင်ꩻအခရာႏနုဲင်းနဝ်ꩻသွူ။