(၄)ကြိမ်မြောက် ကျေးရွာကော်မတီဖလားဘောလုံးပြိုင်ပွဲ ဖွင့်ပွဲအခမ်းအနား ကျင်းပ

ရှမ်းပြည်နယ်(တောင်ပိုင်း)၊ တောင်ကြီးမြို့နယ် ၊နားရီး‌ေကျးရွာအုပ်စု ကန်တန်ကျေးရွာ၌၂၀၂၆ ခုနှစ်၊ (၄)ကြိမ်မြောက် ကျေးရွာကော်မတီဖလားဘောလုံးပြိုင်ပွဲ ဖွင့်ပွဲအခမ်းအနားကို ယနေ့ ၂၀၂၆ ခုနှစ် ဇူလိုင် လ(၁၉) ရက်နေ့ နံနက်(၉)နာရီခွဲ အချိန်တွင် ကျင်းပခဲ့သည်။

ဖွင့်ပွဲအခမ်းအနား ပထမပိုင်းတွင် ပြိုင်ပွဲဝင်အသင်းများ ကွင်းအတွင်းသို့ ဝင်ရောက်နေရာယူခဲ့ကြပြီး၊ နိုင်ငံတော်အလံနှင့် ပအိုဝ်းအမျိုးသားအလံတော်အား အလေးပြုခြင်း၊ အားကစားအဓိဋ္ဌာန် (၄)ချက် ရွတ်ဆိုခြင်းတို့ကို ဆောင်ရွက်ခဲ့ကြသည်။

ထို့နောက် ပအိုဝ်းအမျိုးသားဘောလုံးအဖွဲ့ချုပ် နယက ဦးပီတာထွန်းနိုင်က အဖွင့်အမှာစကား ပြောကြားခဲ့ပါသည်။

ဆက်လက်၍ ပြိုင်ပွဲဝင်အားကစားအသင်းများ ကွင်းအတွင်းမှ ပြန်လည်ထွက်ခွာခဲ့ကြပြီး၊ ဖွင့်ပွဲတွင် ယှဉ်ပြိုင်ကစားကြမည့် နှစ်ဘက်အသင်းများသည် Fair Play အလံကိုင်ဆောင်၍ ကွင်းအတွင်းသို့ ဝင်ရောက်နေရာယူခဲ့ကြရာ ပြိုင်ပွဲကျင်းပရေးကော်မတီဝင်များက နှစ်ဖက်အသင်းမှ အားကစားသမားများအား လိုက်လံနှုတ်ဆက် အားပေးခဲ့ကြသည်။

အဆိုပါ ၂၀၂၆ ခုနှစ်၊ (၄)ကြိမ်မြောက် ကျေးရွာကော်မတီဖလားတွင်အလွတ်တန်း (၃၀)သင်းနှင့် old star(၆)သင်းတို့ဝင်‌ေရာက်ယဥ်ပြိုင်ကစားကြမည်ကြောင်းသိရှိရပါသည်။

ဖွင့်ပွဲအခန်းနားတွင် ပအိုဝ်းအမျိုးသားဘောလုံးအဖွဲ့ချုပ် ဖြားတန်ပီတာထွန်းနိုင် ၊(ကန်ꩻတောႏတန်၀ေင်ꩻနယ် ဥက္ကဌ ဗိုလ်မှူးကျော်သူ ၊(ကန်ꩻတောႏတန်ဝေင်ꩻနယ်ႏ)ဒုခမ်းဗွေ ဖြားဆရာယွန်း ၊ကက္ကူကျေးရွာအုပ်ချုပ်ရေးမှူး ဖြားခွန်သာယာနှင့် ဖိတ်ကြားထားသည့် ဧည့်သည်တော်များ တက်ရောက်ရောက် အားပေးခဲ့ကြပါသည်။