(၈)ကြိမ်မြောက် ခွန်ဖါဖြားဗွာခမ်းဖလား ဗိုလ်ချုပ်ချန်ဇုံကွင်း (နားဘောင်) ဘောလုံးပြိုင်ပွဲ ဖွင့်ပွဲအခမ်းအနား ကျင်းပ

ရှမ်းပြည်နယ်(တောင်ပိုင်း)၊ တောင်ကြီးမြို့နယ် ၊နားဘောင်ကျေးရွာ၌၂၀၂၆ ခုနှစ်၊ (၈)ကြိမ်မြောက် ခွန်ဖါဖြားဗွာခမ်းဖလား ဗိုလ်ချုပ်ချန်ဇုံကွင်း (နားဘောင်) ဘောလုံးပြိုင်ပွဲ ဖွင့်ပွဲအခမ်းအနားကို ယနေ့ ၂၀၂၆ ခုနှစ် ဇူလိုင် ၁၂ ရက်နေ့ နံနက်ပိုင်းအချိန်တွင် ကျင်းပခဲ့သည်။

ဖွင့်ပွဲအခမ်းအနား ပထမပိုင်းတွင် ပြိုင်ပွဲဝင်အသင်းများ ကွင်းအတွင်းသို့ ဝင်ရောက်နေရာယူခဲ့ကြပြီး၊ နိုင်ငံတော်အလံနှင့် ပအိုဝ်းအမျိုးသားအလံတော်အား အလေးပြုခြင်း၊ အားကစားအဓိဋ္ဌာန် (၄)ချက် ရွတ်ဆိုခြင်းတို့ကို ဆောင်ရွက်ခဲ့ကြသည်။

ထို့နောက် ပအိုဝ်းအမျိုးသားဘောလုံးအဖွဲ့ချုပ် နယက ဦးပီတာထွန်းနိုင်က အဖွင့်အမှာစကား ပြောကြားခဲ့ပါသည်။

ဆက်လက်၍ ပြိုင်ပွဲဝင်အားကစားအသင်းများ ကွင်းအတွင်းမှ ပြန်လည်ထွက်ခွာခဲ့ကြပြီး၊ ဖွင့်ပွဲတွင် ယှဉ်ပြိုင်ကစားကြမည့် နှစ်ဘက်အသင်းများသည် Fair Play အလံကိုင်ဆောင်၍ ကွင်းအတွင်းသို့ ဝင်ရောက်နေရာယူခဲ့ကြရာ ပြိုင်ပွဲကျင်းပရေးကော်မတီဝင်များက နှစ်ဖက်အသင်းမှ အားကစားသမားများအား လိုက်လံနှုတ်ဆက် အားပေးခဲ့ကြသည်။

အဆိုပါ ၂၀၂၆ ခုနှစ်၊ (၈)ကြိမ်မြောက် ခွန်ဖါဖြားဗွာခမ်းဖလား ဗိုလ်ချုပ်ချန်ဇုံကွင်း (နားဘောင်) ဘောလုံးပြိုင်ပွဲတွင် (၅)ရက်တစ်ကြိမ်ဈေးနေ့တိုင်း ဆက်လက်ကစားသွားမည်ဖြစ်ပြီး အသင်းပေါင်း (၃၃)သင်း ဝင်ရောက်ယှဥ်ပြိုင်ခဲ့ကြကြောင်း သိရသည်။

အဆိုပါ ခွန်ဖါဖြားဗွာခမ်းဖလားပြိုင်ပွဲတွင် ပြိုင်ပွဲကျင်းပရေးကောမတီအနေဖြင့် ပထမဆု ရရှိမည့်အသင်းက သိန်း(၆၀)ကျပ်၊ ဒုတိယဆု ရရှိမည့်အသင်းတွင် သိန်း(၄၀)ကျပ် နှင့် ဆုဖလားအပါအဝင် နေရာအလိုက်အကောင်းဆုံးဆု ရရှိသောအားကစားသမားများလည်း ဆုချီးမြှင့်ပေးအပ်သွားမည်ဖြစ်ကြောင်း သိရသည်။

ဖွင့်ပွဲအခမ်းအနားတွင် ပအိုဝ်းအမျိုးသားဘောလုံးအဖွဲ့ချုပ် နယက ဦးပီတာထွန်းနိုင်၊ ပအိုဝ်းအမျိုးသားအဖွဲ့ချုပ်(PNO) ပါတီ ဥက္ကဌဖြားခွန်းစံလွင်၊ အတွင်းရေးမှူးချုပ်ဖြားသိန်းဖေ နှင့် ဖိတ်ကြားထားသည့် ဧည့်သည်တော်များ တက်ရောက်ရောက် အားပေးခဲ့ကြပါသည်။