ရှမ်းပြည်နယ်ဝန်ကြီးချုပ် ဦးစိုင်းထိန်စိုးနှင့် လွိုင်လင်ခရိုင်အဆင့် ဌာနဆိုင်ရာအကြီးအကဲများနှင့် တွေ့ဆုံ

Written by

————————
မေလ ၁၆ရက်၊ ၂၀၂၆ခုနှစ်
ရှမ်းပြည်နယ်(တောင်ပိုင်း)၊လွိုင်လင်မြို့ရှမ်းပြည်နယ်အစိုးရအဖွဲ့၊ ရှမ်းပြည်နယ်ဝန်ကြီးချုပ် ဦးစိုင်းထိန်စိုးနှင့် လွိုင်လင်ခရိုင်အဆင့် ဌာနဆိုင်ရာအကြီးအကဲများ တွေ့ဆုံပွဲအခမ်းအနား ပြုလုပ်ခဲ့ကြောင်းသိရှိရပါသည်။

ရှေးဦးစွာ ရှမ်းပြည်နယ်အစိုးရအဖွဲ့၊ ရှမ်းပြည်နယ်ဝန်ကြီးချုပ် ဦးစိုင်းထိန်စိုးမှ အဖွင့်အမှာ စကားပြောကြားခဲ့ပါသည်။

တွေ့ဆုံပွဲမှာ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးကြည်မြင့်မှ လွိုင်လင် ခရိုင်၏ အုပ်ချုပ်ရေး၊ စီးပွားရေး၊လူမှုရေးဆိုင်ရာကိစ္စရပ်များ ပြည်သူ့ လွှတ်တော် ၊ ပြည်နယ်လွှတ်တော်ကိုယ်စားလှယ်များနှင့် တာဝန်ရှိသူများက လွိုင်လင်မြို့၏ ဒေသဖွံ့ဖြိုးရေးဆိုင်ရာ လိုအပ် ချက်များကို ပူးပေါင်းဆောင်ရွက်ကြရန် ဆွေးနွေး တင်ပြခဲ့ကြောင်းသိရပါသည်။

ထို့နောက် တက်ရောက်လာကြသည့် ခရိုင်အဆင့်ဌာနဆိုင်ရာများမှ ဆွေးနွေးတင်ပြခဲ့ကြကာ ရှမ်းပြည်နယ်အစိုးရအဖွဲ့ တာဝန်ရှိသူများမှ တင်ပြချက်များအပေါ် ပြန်လည် ရှင်းလင်းဆွေးနွေးခဲ့ကြောင်းသိရှိရပါသည်။

နောက်ဆုံးတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစိုင်းထိန်စိုးက နိဂုံးချုပ်အမှာစကား ပြောကြားခဲ့ပြီး အခမ်းအနားအား အောင်မြင်စွာ ရုပ်သိမ်းခဲ့ကြောင်း သိရသည်။