ရပ်တန်လုံးဒါကို အီႏတယ်ႏဆို့ꩻလွေꩻ ပအိုဝ်ႏစွိုးခွိုꩻ တခွိုꩻလွုမ်း သမဲင်ꩻဝင်ꩻဝင်ႏ လုံးထွန်ႏ” ကျောက်တိုင်” အထိန်ꩻအမုဲင်ယို တာႏဝွန်ႏအဝ်ႏပုဂ္ဂိုလ်ႏလိုꩻတန်ဖုံႏ ထင်ႏချꩻလွေꩻဖေႏ အွတ်ꩻရွီး

———————————————————————-
ဇွန်လာ ၃ နီꩻ၊ နေင်ႏ၂၀၂၆-ဗာႏ၊
အထူꩻဒေႏသ(၆)၊ ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသ ဝေင်ꩻနယ်ႏသီႏသဲင်ႏ၊ သူရိယခမ်း၊ အွိုင်ႏကောင်ရွဥ်၊ ရပ်တန်ဒုံလုံးဒါ လုံးဒါကျောင်ꩻ ခင်လီꩻကို ခရစ်နေင်ႏ-၂ဝ၂၆ဗာႏနေင်ႏ၊ ဇွန်လာ(၁၇ )နီꩻ၊ ကောႏဇာႏသက္ကရာဇ်-၁၃၈၈-ဗာႏနေင်ႏ၊ပထမဝါႏဆိုႏလာဆန်ꩻ(၃)နီꩻ ဗုဒ္ဓဟူꩻနီꩻ မွူးရဝ်ꩻခိုႏ ၉:၃၀ အခိန်ႏ ပအိုဝ်ႏစွိုးခွိုꩻ တခွိုꩻလွုမ်း သမဲင်ꩻဝင်ꩻဝင်ႏ လုံးထွန်ႏ” ကျောက်တိုင်” အထိန်ꩻအမုဲင်ယို တာႏဝွန်ႏအဝ်ႏပုဂ္ဂိုလ်ႏလိုꩻတန်ဖုံႏ ထင်ႏချꩻလွေꩻဖေႏ အွတ်ꩻရွီး အကျောင်ꩻသေထွꩻဗာႏ နောဝ်ꩻသွူ။

အခန်ꩻအနာꩻယို ရီးသွတ်ꩻ ပအိုဝ်ႏစွိုးခွိုꩻအစွိုꩻ(PNO)ပါတီ ဥက္ကဌ ဖြားတန်ခွန်စံလွင်တွမ်ႏ တာႏဝွန်ႏအဝ်ႏပုဂ္ဂိုလ်ႏလိုꩻတန်ဖုံႏတွမ်ႏ ကဖစ်ထင်ႏလွဥ်ဒါႏ ပရိတ်သတ်အမျာꩻဖုံႏ ရိုႏသေႏကန္တော့ꩻလွေꩻ ရတနာႏ(၃)ပါꩻ ခံႏထူႏလွေꩻပါ သီႏလငတ်ꩻပါꩻ ဗွေႏဆရာႏတောႏ ကဝိဒါဇ ကျောင်ꩻပဆျာႏကြိုႏထျꩻ အကျောင်ꩻ သေထွꩻဗာႏနောဝ်ꩻသွူ။

နောဝ်ꩻထွူ ကအီႏချꩻလွေꩻဒါႏ သမဲင်ꩻဝင်ꩻဝင်ႏ လုံးထွန်ႏ အွတ်ꩻရွီးယို ဗွေႏဆရာႏတောႏ ကဝိဒါဇ ကျောင်ꩻပဆျာႏကြိုႏ၊ ပအိုဝ်ႏစွိုးခွိုꩻအစွိုꩻ(PNO) ပါတီ ဥက္ကဌ ဖြားတန်ခွန်စံလွင်၊ ပအိုဝ်ႏစွိုးခွိုꩻအစွိုꩻ(PNA)ခမ်းထီစဲ့ꩻဌာႏချွုတ်ရွုမ်ꩻ ခမ်းထီစဲ့ꩻကောႏမတီႏ အွဥ်အကိုရေꩻ ပိုလ်ႏကဲႏတန် ဖြားတန်ခွန်မြင့်အောင်၊ ခမ်းထီစဲ့ꩻကောႏမတီႏ ဒု ဥက္ကဌ ဗိုလ်မှူးတန် ဖြာတန်ပီတာထွန်းနိုင်၊ ပအိုဝ်ႏစွိုးခွိုꩻ(PNO)ပါတီ အွဥ်အကိုရေꩻချွုတ် ဖြားတန်ခွန်သိန်းဖေ ၊ ဗိုလ်မှူးတန် နေးဝင်းထွန်း၊ ဒုဗိုလ်မှူးတန် ခွန်ဖြိန်း၊ ဒုဗိုလ်မှူးတန် ခွန်လုမ်းကွံꩻ၊ ဖြားဒုံလဲင်ꩻ ဒုံလုံးဒါ စတဲင်တာႏဝွန်ႏအဝ်ႏပုဂ္ဂိုလ်ႏလိုꩻတန်ဖုံႏ ချꩻလွေꩻဖေႏအွတ်ꩻရွီးအကျောင်ꩻ သေထွꩻဗာႏနဝ်ꩻသွူ။

ကချꩻလွေꩻဒါႏ အွတ်ꩻရွီးယို နေင်ႏ(၅၀)ဗွေ အွဉ်ႏထွော့အချက်အလꩻ “ပအိုဝ်ႏစွိုးခွိုꩻအစွိုꩻ(PNO) တစွိုးခွိုꩻလွုမ်း အတွက်တာႏ ဗွိုင်းသီႏခင်ႏ(၃) ပင်”နဝ်, ထွာ ပအိုဝ်ႏစွိုးခွိုꩻ တစွိုးခွိုꩻလွုမ်း သမဲင်ꩻဝင်ႏညီႏလာႏခံႏ ခင်ႏလမ်း“အခင်”တဲင် ယိုခါ အီႏတဲႏဆို့ꩻလွေꩻ တစွိုးခွိုꩻလွုမ်း သမဲင်ꩻဝင်ႏလုံးထွန်ႏ”ကျောက်တိုင်” အထိန်ꩻအမုဲင်ꩻ နဝ်ꩻမꩻ ပအိုဝ်ႏစွိုးခွိုꩻအစွိုꩻအွဉ်ငါခေါင်းဆောင်တန် ဖြားတန်စင်ꩻဖါအောင်ႏခမ်းထီ တွမ်ႏ ပအိုဝ်ႏစွိုးခွိုꩻ အစွိုꩻနွို့စဲ့ꩻဖဲ့ꩻ၊ နယ်ႏဖဲ့ꩻ၊ ပုဂ္ဂိုလ်ႏဖုံႏ တွမ်ႏ ခမ်းသားအမျာꩻ တယ်ႏဆို့ꩻလွေꩻ နေင်ႏ(၅၀)ဗွေ အထိန်ꩻအမုဲင် လုံးထွန်ႏ အကျောင်ꩻ သေထွꩻဗာႏ နဝ်ꩻသွူ။

အခန်ꩻအနာꩻကို ကပင်ꩻကျွꩻလွဥ်ဒါႏဗွေႏသံႏဃာႏတွမ်ႏ ဗွေႏဆရာႏတောႏ ကဝိဒါဇ ကျောင်ꩻပဆျာႏကြိုႏ၊ ပအိုဝ်ႏစွိုးခွိုꩻအစွိုꩻ(PNO)ပါတီ ဥက္ကဌ ဖြားတန်ခွန်စံလွင်၊ ပအိုဝ်ႏစွိုးခွိုꩻစွိုꩻ(PNA)ခမ်းထီစဲ့ꩻဌာႏချွုတ်ရွုမ်ꩻ ခမ်းထီစဲ့ꩻကောႏမတီႏ အွဥ်အကိုရေꩻ ပိုလ်ႏကဲႏတန် ဖြားတန်ခွန်မြင့်အောင်၊ ခမ်းထီစဲ့ꩻကောႏမတီႏ ဒု ဥက္ကဌ ဗိုလ်မှူးတန် ဖြာတန်ပီတာထွန်းနိုင်၊ ပအိုဝ်ႏစွိုးခွိုꩻ(PNO)ပါတီ အွဥ်အကိုရေꩻချွုတ် ဖြားတန်ခွန်သိန်းဖေ ၊ ဗိုလ်မှူးတန် နေးဝင်းထွန်း၊ ဒုဗိုလ်မှူးတန် ခွန်ဖြိန်း၊ ဒုဗိုလ်မှူးတန် ခွန်လုမ်းကွံꩻ၊ ဖြားဒုံလဲင်ꩻ ဒုံလုံးဒါ စတဲင် တာႏဝွန်ႏအဝ်ႏပုဂ္ဂိုလ်ႏလိုꩻတန်ဖုံႏ ကျွꩻထင်ႏဖေႏအာႏလွေꩻဝင်ꩻ အကျောင်ꩻ သေထွꩻဗာႏနောဝ်ꩻသွူ။