ပအိုဝ်ႏစွိုးခွိုꩻအစွိုꩻ(PNO)ပါတီ ဥက္ကဌ ဖြားတန်ခွန်စံလွင်တွမ်ႏအစွိုꩻ ထင်ႏရိုႏသေႏကန္တော့ꩻပူႏဇောႏလွေꩻ ဗွေႏဆရာႏတောႏ ဘဒ္ဒန္တစန္ဒိမာ (သာသနဓဇ ဓမ္မာစရိယ) သက်တောႏ(၉ဝ) သိက္ခာႏတောႏ( ၇ဝ) အန္တိမအဂ္ဂိဈာပန သာဓုဂိဠာန ပူႏဇောႏပွယ်ꩻ
———————————————————————-
ဇွန်လာ ၁၃ နီꩻ၊ ၂၀၂၆-ခုနှစ်၊
ဖြောဝ်ꩻခမ်းနယ်ႏ(အခေါဝ်နောဝ်)၊ လင်ꩻခွိုꩻခရဲင်ႏ၊ ဝေင်ꩻမောက်ꩻမုဲင်ႏ၊ ပရိယတ္တိဝါဒတလိတ်သွဉ်တွိုက် ကျောင်ꩻကို ပဓာနနာယက ဗွေႏဆရာႏတောႏ ဘဒ္ဒန္တစန္ဒိမာ (သာသနဓဇ ဓမ္မာစရိယ) သက်တောႏ(၉ဝ) သိက္ခာႏတောႏ( ၇ဝ) အန္တိမအဂ္ဂိဈာပန သာဓုဂိဠာန ပူႏဇောႏပွယ်ꩻယို ဟန်ႏနီꩻ ဒဲဥ်စေတ်ꩻလာလောင်း(၁၄)နီꩻ နဝ်ꩻ ပအိုဝ်ႏစွိုးခွိုꩻအစွိုꩻ(PNO)ပါတီ ဥက္ကဌ ဖြားတန်ခွန်စံလွင်တွမ်ႏအစွိုꩻ ထင်ႏရိုႏသေႏကန္တော့ꩻပူႏဇောႏလွေꩻ အကျောင်ꩻ သေထွꩻဗာႏနောဝ်ꩻသွူ။
ပဓာနနာယက ဗွေႏဆရာႏတောႏ ဘဒ္ဒန္တစန္ဒိမာ (သာသနဓဇ ဓမ္မာစရိယ) သက်တောႏ(၉ဝ)သိက္ခာႏတောႏ( ၇ဝ) အန္တိမအဂ္ဂိဈာပန သာဓုဂိဠာန ပူႏဇောႏပွယ်ꩻပွယ်ꩻယို နေင်ႏ၁၃၈၈- ဗာႏ၊ ဒဲဉ်စေတ်ꩻလာလောင်း(၁၅)နီꩻ ၊ (လာမားနီꩻ) နောဝ်ꩻ တယ်ႏစမွူးရဝ်ꩻခိုႏ ၆:၃၀ နားရီႏအခိန်ႏ ဗꩻလွေꩻ မွူးယာ ၁၂:၃၀ ခိန်ႏနဝ်ꩻ ဖူးဝေးကျောင်ꩻတကာႏအမျာꩻအီႏခံႏထဥ်ႏ လွူးတဲင်စာႏဂလွေꩻ ဒဲဥ်ဟန်ႏတွမ်ႏ ခဲဖွယ်ဖုံႏထွူတွော့ꩻ အီႏကပ်လူႏပူႏဇောႏလွေꩻပါ ကပင်ꩻကျွꩻလွဥ်ဒါႏ ဗွေႏရဟန်ꩻသံႏဃာႏတောႏသီး ပစ္စေꩻလစ်ꩻပါꩻ အလူႏဇာႏဝတ္ထုအစုစုဖုံႏထွူနေးထူႏနာႏခံႏလွေꩻပါ တရာႏတောႏအကျောင်ꩻ သေထွꩻဗာႏနဝ်ꩻသွူ။
အောဝ်ႏနဝ်ꩻထွူ အဝ်ႏကုဲင်ဆꩻချာ တပဲ့ꩻရဟန်ꩻသံႏဃာႏ တွမ်ႏ တကာႏခိုမူႏအမျာꩻသီး အီႏပင်ꩻလွေꩻဗွေႏဆရာႏ တောႏရုပ်ကလာပ်တောႏတဲင် အီႏပူႏဇောႏလွေꩻဗွေႏဆရာႏတောႏ အန္တိမအဂ္ဂိဈာပန သာဓုဂိဠာန ပွယ်ꩻအကျောင်ꩻ သေထွꩻဗာႏနဝ်ꩻသွူ။
Leave a Reply