စံချိန်မီ ဘောလုံးကွင်းတစ်ကွင်း ဖြစ်ပေါ်လာစေရန် စန္တားခမ်းရုမ်းကော်မတီအဖွဲ့မှ ပြန်လည်ပြုပြင်ဆောင်ရွက်
ဇွန်လ ၂ ရက်၊ ၂၀၂၆ ခုနှစ်
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နောင်တရားမြို့၊ စန္တားခမ်း ပအိုဝ်းအမျိုးသားဘက်စုံဖွံ့ဖြိုးရေး တပေါင်းကွင်း (ဒဲဉ်သီဗွေကွင့်) အတွင်းရှိ ဘောလုံးကွင်းအား စံချိန်မီဘောလုံးကွင်းတစ်ကွင်းအဖြစ် ပိုမိုကောင်းမွန်စွာ အသုံးပြုနိုင်စေရန် စန္တားခမ်းရုမ်းကော်မတီအဖွဲ့မှ မေလ ၃၁ ရက်နေ့ ၂၀၂၆-ခုနှစ်တွင် ပြန်လည်ပြုပြင်ရေးလုပ်ငန်းများ ဆောင်ရွက်လျက်ရှိကြောင်း သိရသည်။
အဆိုပါ ပြန်လည်ပြုပြင်ရေးလုပ်ငန်းတွင် ကွင်းပြင်ညှိခြင်း၊ မြက်ခင်းစိုက်ပျိုးထိန်းသိမ်းခြင်း၊ ရေစီးရေလာကောင်းမွန်စေရန် ဆောင်ရွက်ခြင်းနှင့် အားကစားသမားများ လေ့ကျင့်ယှဉ်ပြိုင်ရာတွင် အဆင်ပြေစေရန် လိုအပ်သည့် အခြေခံအဆောက်အအုံများကို အဆင့်မြှင့်တင်ဆောင်ရွက်လျက်ရှိကြောင်း သိရသည်။
ယင်းသို့ ပြုပြင်ဆောင်ရွက်ခြင်းဖြင့် ဒေသတွင်း လူငယ်များ၏ အားကစားကဏ္ဍ ဖွံ့ဖြိုးတိုးတက်လာစေရန်၊ ကျန်းမာကြံ့ခိုင်သော လူငယ်များ ပေါ်ထွန်းလာစေရန်နှင့် အနာဂတ်တွင် ဒေသအဆင့်၊ ပြည်နယ်အဆင့်နှင့် နိုင်ငံအဆင့် ပြိုင်ပွဲများကို လက်ခံကျင်းပနိုင်မည့် ဘောလုံးကွင်းတစ်ကွင်း ဖြစ်ပေါ်လာစေရန် ရည်ရွယ်ဆောင်ရွက်ခြင်းဖြစ်ကြောင်း စန္တားခမ်းရုမ်းကော်မတီအဖွဲ့ထံမှ သိရသည်။
ဒေသခံများကလည်း ယခုကဲ့သို့ ဘောလုံးကွင်း အဆင့်မြှင့်တင်ပြုပြင်ဆောင်ရွက်မှုသည် လူငယ်များအတွက် အားကစားလှုပ်ရှားမှုများ ပိုမိုတိုးတက်လာစေမည်ဖြစ်ပြီး ဒေသဖွံ့ဖြိုးရေးအတွက် အထောက်အကူဖြစ်စေမည်ဟု မျှော်လင့်ထားကြောင်း သိရသည်။
စန္တာႏခမ်း
Leave a Reply