တောင်ကြီးမြို့ရှိ မြို့တော်ခန်းမတွင် လူငယ်တွေ့ဆုံပွဲအခမ်းအနားကျင်းပ

Written by

——————————————————————-
မေလ ၉ ရက်၊ ၂၀၂၆-ခုနှစ်၊
ရှမ်းပြည်နယ် တောင်ကြီးမြို့ရှိ မြို့တော်ခန်းမ၌ ယနေ့ မေ ၇ ရက် ၂၀၂၆-ခုနှစ် နံနက် ၉:၀၀ အ ချိန်တွင် ရှမ်းပြည်နယ်အစိုးရအဖွဲ့၏ ဦးဆောင်မှုဖြင့် လူငယ်များ၏ အမြင်နှင့် အကြံပြုချက်များကို နားထောင်၍ လူငယ်ဖွံ့ဖြိုးရေးလုပ်ငန်းများ ပိုမိုထိရောက်စွာ ဆောင်ရွက်နိုင်ရန် ရည်ရွယ်ကာ လူငယ်တွေ့ဆုံပွဲအခမ်းအနားကို ကျင်းပခဲ့သည်။

အခမ်းအနားသို့ ရှမ်းပြည်နယ်အစိုးရအဖွဲ့ တာဝန်ရှိသူများ၊ သက်ဆိုင်ရာဌာနဆိုင်ရာများ၊ လူငယ်ရေးရာကော်မတီဝင်များ၊ လူငယ်ကိုယ်စားလှယ်များနှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ကြသည်။
<

အဆိုပါအခမ်းအနားတွင် မြန်မာနိုင်ငံ လူငယ်ရေးရာ ဗဟိုကော်မတီ ဒုတိယ ဥက္ကဋ္ဌ(၁)၊ လူငယ်ရေးရာ ဝန်ကြီးဌာန၊ ပြည်ထောင်စုဝန်ကြီး ဒေါက်တာမောင်သင်းက အခမ်းအနားသို့ တက်ရောက်လာသည့်လူငယ်များအား လမ်းညွှန်အမှာစကားပြောကြားပေးခဲ့ပြီး၊ ထို့နောက် တိုင်းရင်း သားလူမျိုးများရေးရာဝန်ကြီးဌာန၊ ပြည်တောင်စုဝန်ကြီး ဦးသန်းမောင် က ဆက်လက်အမှာစကားပြောကြားခဲ့ပေးခဲ့ပါသည်။

ဆက်လက်၍ ရှမ်းပြည်နယ် လူငယ်စွန့်ဦးတီထွင် လုပ်ငန်းရှင်အသင်း တာဝန်ရှိသူတစ်ဦးက မိမိတို့ လုပ်ဆောင်နေသည့် လုပ်ငန်းများအား ကြုံတွေ့နေရသော အခက်အခဲများ၊ လိုအပ်ချက်များနှင့် အကြံပြုချက်များကို တင်ပြဆွေးနွေးခဲ့ကြပြီး သက်ဆိုင်ရာတာဝန်ရှိသူများက ပြန်လည်ရှင်းလင်း ဖြေကြားခဲ့ကြသည်။

ယင်းလူငယ်တွေ့ဆုံပွဲသည် လူငယ်များ၏ အသံကို တိုက်ရိုက်နားထောင်၍ ဖွံ့ဖြိုးရေးလုပ်ငန်းများတွင် လူငယ်များ ပိုမိုပါဝင်နိုင်စေရန်နှင့် အနာဂတ်ခေါင်းဆောင်ကောင်းများ ပေါ်ထွန်းလာစေရန် ရည်ရွယ်ကျင်းပခြင်းဖြစ်ကြောင်း သိရသည်။

ရှမ်းပြည်နယ် လူငယ်စွန့်ဦးတီထွင် လုပ်ငန်းရှင်အသင်းဥက္ကဌ၊ ဦးခွန်နေမျိုးက ရှမ်းပြည်နယ်လူငယ်စွန့်ဦးတီထွင် လုပ်ငန်းရှင်အသင်း၏ လုပ်ငန်းဆောင်ရွက်မှု အခြေအနေအားတင်ပြခြင်းနှင့် ကျေးဇူးတင်စကားပြန်လည်ပြောကြားခဲ့ကြောင်း သိရသည်။

ထို့နောက် ရှမ်းပြည်နယ် လူငယ်စွန့်ဦးတီထွင် လုပ်ငန်းရှင်များအသင်းမှ ထုတ်လုပ်သည့် ဒေသထုတ်ကုန်များအား နေရာအရောက် ဂါရဝပြုလက်ဆောင်ပေးအပ်ခဲ့ပြီး ဖိတ်ကြားထားသည့်
ဧည့်သည်တော်များ၊ တိုင်းရင်းသားစာပေနှင့်ယဥ်ကျေးမှုကိုယ်စားလှယ်အဖွဲ့ဝင်များအား ရှမ်းပြည်နယ်အစိုးရအဖွဲ့မှ တာဝန်ရှိပုဂ္ဂိုလ်များက ရင်းရင်းနီးနီးလိုက်လံနုတ်ဆက် အားပေးစကားပြောကြားပေးခဲ့ကြောင်း သိရှိရသည်။