ပင်လုံမြို့၌ ပြည်နယ်လွှတ်တော်ကိုယ်စားလှယ်နှင့် ဌာနဆိုင်ရာများမှ ရပ်ကွက်အုပ်ချုပ်ရေးမှူးများ၊ ရာအိမ်မှူးများ၊ ဆယ်အိမ်မှူးများ၊ လုပ်ငန်းရှင်များနှင့် ပင်လုံမြို့ ဖွံ့ဖြိုးတိုးတက်ရေးလုပ်ငန်းများ ဆွေးနွေးခြင်းအခမ်းအနားပြုလုပ်

ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ ပင်လုံမြို့၊ မဟာရဌာဘိသာမဂ္ဂီစေတီတော်ရှိ သာသနာ့ရက္ခိတဓမ္မာရုံ၌ သောကြာနေ့၊ နံနက် (၉:၀၀)နာရီအချိန်တွင် လွိုင်လင်မြို့နယ်၊ ပြည်နယ်လွှတ်တော်ကိုယ်စားလှယ် ခွန်သက်နိုင်နှင့် ဌာနဆိုင်ရာများမှ ရပ်ကွက်အုပ်ချုပ်ရေးမှူးများ၊ ရာအိမ်မှူးများ၊ ဆယ်အိမ်မှူးများ၊ လုပ်ငန်းရှင်များနှင့်တွေ့ဆုံပြီး ပင်လုံမြို့ ဖွံ့ဖြိုးတိုးတက်ရေးလုပ်ငန်းနှင့်ပတ်သက်၍ ဆွေးနွေးခြင်းအခမ်းအနားပြုလုပ်ခဲ့ကြကြောင်းသိရပါသည်။

ရှေးဦးစွာ ပြည်နယ်လွှတ်တော်ကိုယ်စားလှယ်ဦးခွန်သက်နိုင်မှ မြို့ဖွံ့ဖြိုးတိုးတက်ရေးကိစ္စရပ်များ ဆွေးနွေး ပြောကြားခဲ့ပြီး မြို့အုပ်ချုပ်ရေးမှူးဦးရန်ပိုင်ဖြိုးမှ မြို့ဖွံ့ဖြိုးတိုးတက်ရေးကိစ္စရပ်များ ဆက်လက်ဆွေးနွေးပြောကြားခဲ့ပါသည်။

ထို့နောက် ယာဉ်ထိန်းရဲတပ်ဖွဲ့မှ ရဲအုပ်ကောင်းမြတ်ကျော်က ယာဉ်စည်းကမ်းလမ်းစည်းကမ်းအသိပညာပေးကို ပရိုဂျက်တာ ပုံနှင့် video clip.တကွ ဆွေးနွေး ပြောကြားခဲ့ပါသည်။

နောက်ပိုင်းမှာ ဌာနဆိုင်ရာအကြီးအကဲများနှင့် ပင်လုံမြို့၊ လုပ်ငန်းရှင်များ၊ ေရပ်မိရပ်ဖများမှ မြို့ဖွံ့ဖြိုးတိုးတက်ရေးကိစ္စရပ်များဆွေးနွေးပြောကြားခဲ့ပါသည်။ အခမ်းအနားမှာ ရပ်ကွက်(၁) အုပ်ချုပ်ရေးမှူး ဦးစိုင်းမှူးလိန်၊ ရပ်ကွက်(၂) အုပ်ချုပ်ရေးမှူး ဦးစိုင်းရွှေထွန်း၊ ရပ်ကွက်(၃) အုပ်ချုပ်ရေးမှူး ဦးစိုင်းဆန်ငင်း၊ ရပ်ကွက်(၄) အုပ်ချုပ်ရေးမှူး ဦးမျိုးမြင့်အောင် တို့မှ မြို့ဖွံ့ဖြိုးတိုးတက်ရေးကိစ္စရပ်များ ဆွေးနွေးပြောကြားခဲ့ကြပါသည်။

ဆွေးနွေးပြီးတဲ့နောက် ရပ်ကွက် အုပ်ချုပ်ရေးမှူးများမှ ပင်လုံမြို့၊ပြည်သူ့လုံခြုံရေးနှင့်အကြမ်း ဖက်နှိမ်နင်းရေးအဖွဲ့ အဖွဲ့ခေါင်းဆောင်အား ရပ်ကွက်အုပ်ချုပ်ရေးမှူး များမှ ထောက်ပံ့ငွေ သုံးသိန်းကျပ် ပေးအပ်ခဲ့ကြပါသည်။ ပြည်နယ်လွှတ်တော်ကိုယ်စားလှယ်ဦးခွနသက်နိုင်မှ နိဂုံးချုပ်အမှာစကားပြောကြားခဲ့ပါသည်။