တောင်ကြီးမြို့ရှိ မြို့တော်ခန်းမတွင် ၂၀၂၆ ခုနှစ် ကမ္ဘာ့ပတ်ဝန်း ကျင်ထိန်းသိမ်းရေးနေ့ အထိမ်းအမှတ် အခမ်း အနားကျင်းပ

တောင်ကြီးမြို့ရှိ မြို့တော်ခန်းမတွင် ၂၀၂၆ ခုနှစ် ကမ္ဘာ့ပတ်ဝန်း ကျင်ထိန်းသိမ်းရေးနေ့ အထိမ်းအမှတ် အခမ်း အနားကျင်းပ

———————————————————————-
ဇွန်လ ၅ ရက်၊ ၂၀၂၆-ခုနှစ်၊
ရှမ်းပြည်နယ်(တောင်ပိုင်း)၊ တောင်ကြီးမြို့ မြို့တော်ခန်းမ၌ ၂၀၂၆ ခုနှစ် ကမ္ဘာ့ပတ်ဝန်း ကျင်ထိန်းသိမ်းရေးနေ့ အထိမ်းအမှတ် အခမ်း အနားကို ဇွန်လ ၅ ရက် နံနက် ၉ နာရီတွင် ကျင်းပပြုလုပ်ခဲ့သည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစိုင်းထိန်စိုးက အဖွင့်အမှာစကား ပြောကြားခဲ့ပြီး ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် Video Clip များနှင့် အမျိုးသားအဆင့် သန့်ရှင်း၍ စိမ်းလန်းစိုပြည်သော ကျောင်းဆုရရှိထားသည့် အခြေခံ ပညာအထက်တန်းကျောင်း(ခွဲ) မယ်ဟုတ်၊ တာချီလိတ်မြို့၏ မှတ်တမ်း Video Clip ကို ပြသခဲ့သည်။

ထို့နောက် အမျိုးသားအဆင့် ပတ်ဝန်းကျင်စီမံခန့်ခွဲမှုကောင်းမွန်သော ကျေးရွာဆု၊ အမျိုး သားအဆင့် သန့်ရှင်း၍ စိမ်းလန်းစိုပြည်သော ကျောင်းဆုများနှင့် ပြည်နယ်အဆင့် ပတ်ဝန်း ကျင်စီမံခန့်ခွဲမှုကောင်းမွန်သော မြို့ဆု၊ စက်ရုံဆုများ ရရှိခဲ့ကြသည့် ကျေးရွာများ၊ မြို့များ၊ စက်ရုံများနှင့် ကျောင်းများအား တာဝန်ရှိပုဂ္ဂိုလ်များက ကျောက်စီပန်းချီကားများ၊ ဂုဏ်ပြုမှတ်တမ်းလွှာများနှင့် ဂုဏ်ပြုဆုငွေများ အသီးသီး ချီးမြှင့်ပေးအပ်ခဲ့ကြသည်။

ယင်းအပြင် အခြေခံပညာအထက်တန်းအဆင့် စာစီစာကုံးပြိုင်ပွဲတွင် ဆုရရှိခဲ့ကြသည့် ကျောင်းသား၊ ကျောင်းသူများအား ဂုဏ်ပြုမှတ်တမ်းလွှာများနှင့် ဂုဏ်ပြုဆုငွေများ ပေးအပ်ချီးမြှင့်ခဲ့ကြောင်း သိရသည်။

ဆက်လက်၍ ရှမ်းပြည်နယ်အတွင်း သန့်ရှင်း ၍ စိမ်းလန်းစိုပြည်သော ကျောင်းများ ဖော်ဆောင်နိုင်ရေးအတွက် ပါဝင်ကူညီ လှူဒါန်းပေးခဲ့ကြသည့် အလှူရှင်များအား ပြည်နယ်အစိုးရ အဖွဲ့ ဝန်ကြီးများနှင့် တိုင်းရင်းသားရေးရာဝန်ကြီးများက ဂုဏ်ပြုမှတ်တမ်းလွှာများ ပေးအပ်ချီးမြှင့်ခဲ့ကြသည်။

ထို့နောက် တက်ရောက်လာကြသူများက စုပေါင်းမှတ်တမ်းတင် ဓာတ်ပုံရိုက်ကူးခဲ့ကြပြီး အခမ်းအနားအပြီးတွင် ပတ်ဝန်းကျင်ထိန်းသိမ်းရေးဆိုင်ရာ အသိပညာပေးပြခန်းများအား လှည့်လည်ကြည့်ရှုခဲ့ကြကြောင်း သိရသည်။