ဦးခွန်သက်နိုင်နှင့် တာဝန်ရှိသူများ ဆနင်းကျေးရွာအုပ်စု စိုက်ပျိုးရေးဖွံ့ဖြိုးတိုးတက်မှုအတွက် ကွင်းဆင်းလေ့လာ

ဦးခွန်သက်နိုင်နှင့် တာဝန်ရှိသူများ ဆနင်းကျေးရွာအုပ်စု စိုက်ပျိုးရေးဖွံ့ဖြိုးတိုးတက်မှုအတွက် ကွင်းဆင်းလေ့လာ

———————–
ဇွန်လ(၂)ရက်၊ ၂၀၂၆ခုနှစ်
ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ပင်လုံမြို့၊ ဆနင်းကျေးရွာအုပ်စုအတွင်း ယနေ့ မနက်ပိုင်း (၁၀:၀၀)နာရိီမှာ ဒေသခံတောင်သူများ၏ စိုက်ပျိုးရေးလုပ်ငန်းများ ဖွံ့ဖြိုးတိုးတက်စေရေးနှင့် ဆောင်း၊ နွေသီးနှံများ တိုးချဲ့စိုက်ပျိုးနိုင်ရေးအတွက် ပြည်နယ်လွှတ်တော်ကိုယ်စား လှယ် ဦးခွန်သက်နိုင်၊ နယ်စပ်ရေးရာဝန်ကြီးဌာနမှ နတလ (နယ်စပ်ဒေသနှင့်တိုင်းရင်းသႏးလူမျိုးများဖွံဖြိုးတိုးတက်ရေးဦးစီးဌာန) ခရိုင်မှူး ဦးဇော်ဇော်ထွန်းနှင့် တာဝန်ရှိသူများက ကွင်းဆင်းကြည့်ရှုလေ့လာခဲ့ကြောင်း သိရသည်။

ကွင်းဆင်းလေ့လာစဉ် ဒေသခံတောင်သူ ဦးစိုင်းစိုင်လူက “လယ်ဧကပေါင်း (၁၀၀) ခန့်ကို မိုးရာသီတွင် စပါးစိုက်ပျိုးရန် ရေဒလက်ဖြင့် ရေပေးနေရတယ် ဆောင်းရာသီ နဲ့ နွေရာသီကျတော့ ရေကျလို့ ရေဒလက်ကမလည်တော့ဘူး အဲဒီရာသီမှာ နေကြာ၊ ကြက်သွန်ဖြူ၊ ပဲပုတ်စေ့နှင့် အာလူး စတဲ့သီးနှံများစိုက်ဖို့ လုံလောက်သောရေအရင်းအမြစ် ရရှိရင်တော့ အဆင်ပြေစွာ စိုက်ပျိုးနိုင်မည်ဖြစ်ကြောင်း” ပြောကြားခဲ့သည်။

ထို့နောက် ပြည်နယ်လွှတ်တော်ကိုယ်စားလှယ် ဦးခွန်သက်နိုင်နှင့် နတလခရိုင်မှူး ဦးဇော်ဇော်ထွန်းတို့က စိုက်ပျိုးမြေများ၏ ရေအရင်းအမြစ်အခြေအနေ၊ ပွန်ချောင်းရေသုံးစွဲနိုင်မှုနှင့် သီးနှံတိုးချဲ့စိုက်ပျိုးနိုင်မည့် အလားအလာများကို လေ့လာကြည့်ရှုခဲ့ပြီး ဒေသခံတောင်သူများ၏ လိုအပ်ချက်များကို မေးမြန်းဆွေးနွေးခဲ့ကြသည်။ အဆိုပါ လယ်ယာမြေများတွင် ရေအလုံအလောက် ရရှိနိုင်ပါက မိုးစပါးအပြင် ဆောင်းနှင့် နွေသီးနှံများကို တိုးချဲ့စိုက်ပျိုးနိုင်မည်ဖြစ်သဖြင့် ဒေသခံတောင်သူများ၏ စားနပ်ရိက္ခာနှင့်ဝင်ငွေ အခက်အခဲ့များကို အထောက်အကူပြုမည်ဖြစ်ကြောင်း သိရသည်။

မိုးအကုန်မှာ ရေအရင်းအမြစ်ရရှိရေးတွက် ရေဒလက်အစား ဆိုလာရေပေးစနစ် တပ်ဆင်ပေးနိုင်ရန်၊ သက်ဆိုင် ရာသို့တင်ပြနိုင်ရန် တာဝန်ရှိပုဂ္ဂိုလ်များနှင့် ဒေသခံများက ပူပေါင်းကွင်းဆင်းလေ့လာခဲ့ကြသည်။ ထို့နောက် ဒေသတွင်းထွက် မြေပဲ၊ နှမ်း စသည်တို့ကြိတ်နိုင်တဲ့ ဆီကြိတ်စက် ဆန်ကြိတ်စက် တို့ကို လိုက်လံကြည်ရှုခဲ့ကြကြောင်းသိရသည်။