၂၀၂၆-၂၀၂၇ ပညာသင်နှစ် ရှမ်းပြည်နယ် (တောင်ပိုင်း) ပြည်နယ်အဆင့် ကျောင်းအပ်နှံရေးနေ့ အခမ်းအနား ကျင်းပ

၂၀၂၆-၂၀၂၇ ပညာသင်နှစ် ရှမ်းပြည်နယ် (တောင်ပိုင်း) ပြည်နယ်အဆင့် ကျောင်းအပ်နှံရေးနေ့ အခမ်းအနား ကျင်းပ

___________________________________________
မေလ ၂၉ ရက်၊ ၂၀၂၆ ခုနှစ်
ရှမ်းပြည်နယ်(တောင်ပိုင်း) တောင်ကြီးမြို့ အထက(၁)ကျောင်း၌ ၂၀၂၆-၂၀၂၇ ပညာ သင်နှစ် ပြည်နယ်အဆင့် ကျောင်းအပ်နှံရေးနေ့ အခမ်းအနားကို မေလ ၂၉ ရက် နံနက်ပိုင်းတွင် ကျင်းပရာ ရှမ်းပြည်နယ်ဝန်ကြီးချုပ် ဦးစိုင်းထိန်စိုးက အခမ်းအနားဆိုင်းဘုတ်အား စက်ခလုတ်နှိပ်ဖွင့်လှစ်ပေးခဲ့သည်။

အခမ်းအနားတွင် ရှမ်းပြည်နယ်လွှတ်တော်ဥက္ကဌ ဦးစိုင်းလုံကျော်၊ အရှေ့ပိုင်းတိုင်းစစ်ဌာန ချုပ် ဒုတိယတိုင်းမှူး ဗိုလ်မှူးချုပ် အောင်ကျော်ဆန်း၊ ပြည်နယ်လူမှုရေးရာဝန်ကြီး ဒေါ်နန်းခမ်းလူနှင့် ပြည်နယ်ပညာရေးမှူးရုံးမှ ညွှန်ကြားရေးမှူး ဒေါ်ယဉ်မင်းစုတို့က ဖဲကြိုးဖြတ်ဖွင့်လှစ်ပေးခဲ့ကြသည်။

ထို့နောက် အထက(၁)တောင်ကြီးမှ ကျောင်းသား၊ ကျောင်းသူများက “ကမ္ဘာ့အဆင့်မီ ပညာရည်” သီချင်းဖြင့် ဖျော်ဖြေတင်ဆက်ခဲ့ကြပြီး ရှမ်းပြည်နယ်ဝန်ကြီးချုပ်က အဖွင့်အမှာစကား ပြောကြားခဲ့သည်။

ဝန်ကြီးချုပ်က နိုင်ငံတော်ဖွံ့ဖြိုးတိုးတက်ရေးအတွက် လူသားအရင်းအမြစ်နှင့် ပညာရေးကဏ္ဍ၏ အရေးပါမှုကို အလေးထားပြောကြားခဲ့ပြီး KG+12 သင်ရိုးသစ်ကို အပြည့်အဝ အ ကောင်အထည်ဖော်ဆောင်ရွက်နေကြောင်း၊ ၂၁ ရာစု ကျွမ်းကျင်မှုများနှင့် နိုင်ငံတကာအဆင့်မီ ပညာရေးရရှိစေရေး ဆောင်ရွက်လျက်ရှိကြောင်း ပြောကြားခဲ့သည်။

ထို့ပြင် အခြေခံပညာကျောင်းများတွင် အခမဲ့ပညာရေးစနစ်ကို အကောင်အထည်ဖော်ဆောင်ရွက်နေပြီး ကျောင်းသား၊ ကျောင်းသူများအား ဗလာစာအုပ်၊ ဖတ်စာအုပ်၊ စာရေးကိရိယာနှင့် ကျောင်းဝတ်စုံများကို အခမဲ့ထောက်ပံ့ပေးလျက်ရှိကြောင်းလည်း ထည့်သွင်းပြောကြားခဲ့သည်။

အခမ်းအနားအတွင်း အခမဲ့ပုံနှိပ်စာအုပ်များ၊ Grade-9 သင်ထောက်ကူပစ္စည်းများ၊ ဗလာစာအုပ်များ၊ စာရေးကိရိယာများနှင့် ကျောင်းဝတ်စုံများကို တာဝန်ရှိသူများက ကျောင်းသား၊ ကျောင်းသူများအား အသီးသီးပေးအပ်ခဲ့ကြကြောင်း သိရသည်။