ပထမအလဲင်ႏလိတ်ပအိုဝ်ႏကျောင်ꩻသားပွယ်ꩻမော့ꩻခွဲ လိတ်စေပွယ်ꩻအကို ဒဲ့ꩻထူႏလꩻ တတိယဆုꩻ နင်ႏစုမြတ်ထွေးယို ရပ်သားမွိုးဖါသီးကျိုႏဆွုမ်ႏ
မေလာ(၂၃)နီꩻ၊ ၂၀၂၆
ပအိုဝ်ႏနမ်းပဲင်ႏအုပ်ချုပ်ခွင်ꩻလꩻဒေးသ၊ ဝေင်ꩻဟိုပုံꩻ၊ နောင်တောင်ꩻပရဟိတတပ်ဦးဗွေႏဗွန်အွဉ်သွဉ်ပညာႏရေꩻကျောင်ꩻကို ဗွေႏဆရာႏတောႏကျောင်ꩻနောင်တောင်ꩻ အွဉ်ငါ ပထမအလဲင်ႏ လိတ်ပအိုဝ်ႏကျောင်ꩻသားပွယ်ꩻမော့ꩻခွဲလိတ်စေပွယ်ꩻအကို ဝေင်ꩻနယ်ႏကလော်ꩻ၊ နန်းတိုင်းအုပ်စု၊ နန်းတိုင်းဆေꩻကွုံꩻကိုကအောဝ်ႏအုံဒါႏ သျင်ႏဖါထွန်းရီ+သျင်ႏမွိုးမစောင် သီးပိုမူႏ နင်ႏစုမြတ်ထွေးယို နွို့စေဖြေႏ လိတ်ပအိုဝ်ႏဓမ္မပဒဘာႏသာႏတဲင် ဒဲ့ꩻထူႏလꩻလွေꩻ တတိယဆုနောဝ်ꩻမꩻ ရပ်သားမွိုးဖါသီး ကျိုႏဆွုမ်ႏထွူတဲင် ဆရာႏတွမ်ႏတကာႏ ဆုဖေႏထဲင်း အောင်ႏဆုဖုံႏအကျောင်ꩻသေထွꩻဗာႏသွူ။
ပထမအလဲင်ႏ လိတ်ပအိုဝ်ႏကျောင်ꩻသားပွယ်ꩻမော့ꩻခွဲယိုနောဝ်ꩻ ဗွေႏဆရာႏတောႏကျောင်ꩻနောင်တောင်ꩻအွဉ်ငါတဲင် တယ်ႏစ ဒဲဉ်စေတ်ꩻလာဆန်ꩻ(၁)နီꩻ ဗꩻတွိုႏ ဒဲဉ်စေတ်ꩻလာဆန်ꩻ(၇)နီꩻနောဝ်ꩻသွူ လိတ်ပအိုဝ်ႏပွယ်ꩻမော့ꩻခွဲယိုနောဝ်ꩻ လိတ်ပအိုဝ်ႏဘာႏသာႏအမျိုꩻမျိုꩻတဲ့ပါ ဗဟုသုသွဉ်တန်ꩻတဲ့ပါ ထာꩻခွုမ်ပဆိုးအမျိုꩻမျိုꩻတဲ့ပါတဲ့ ကျောင်ꩻသားမူႏခိုသီးစွုမ်ႏဖြာꩻတဲ့အောဝ်ႏနစ်သက်ရောင် ဖူးဝေးမွိုဖါခမ်းသားအမျာꩻသီးတဲ့အာႏရရောင်ငါႏအကျောင်ꩻ စွုမ်ႏနေင်ႏနေင်ႏ ဖေႏကအောဝ်ႏနွောင်ꩻတဲ့ အောဝ်ႏမော့ꩻကော့ꩻဝင်ꩻပငါပရာꩻအကျောင်ꩻနောဝ်ꩻသွူ။
ပထမအလဲင်ႏ လိတ်ပအိုဝ်ႏကျောင်ꩻသားပွယ်ꩻမော့ꩻခွဲယို ဝေင်ꩻနယ်ႏပေါင်ꩻစွုမ်ႏ ကျောင်းသားမူႏခို လွဉ်ထင်ႏဝင်ꩻအောဝ်ႏအဖြာꩻပေါင်ꩻ (၁၁၁၆)ဖြာꩻအကျောင်ꩻသေထွꩻဗာႏသွူ။
Leave a Reply