နန်းတိုင်းဒေသတွင်လူငယ်ပညာရေးအခွင့်အလမ်း ဟောပြောပွဲကျင်းပ
=============================
မေလ၁၇ရက်၊၂၀၂၆၊
ကလောပအိုဝ်းစာပေယဉ်ကျေးမှုအဖွဲ့(ဗဟို)နှင့် ကလောမြို့နယ်ပအိုဝ်းစာပေယဉ်ကျေးမှုအဖွဲ့ ပူးပေါင်းစီစဉ်မှုဖြင့် လူငယ်ပညာရေးအခွင့်အလမ်းနှင့်လူငယ်နှင့်လူမှုစီးပွါးခေါင်းစဉ်ဖြင့် ကလောမြို့နယ် နန်းတိုင်း(တရျက်ꩻ)ကျေးရွာ အုပ်စု ဘော်နှင်းကုန်းကျေးရွာမာ ဟောပြောပွဲကျင်းပပြု လုပ်ခဲ့ပါသည်။
ဟောပြောပွဲတွင် ပအိုဝ်းစာပေယဉ်ကျေးမှုအဖွဲ့(ဗဟို)မှ ဆရာခွန်မောင်ဘော်နှင့်ဆရာမနန်းခံႏထဉ်ႏ(နန်းခမ်းထယ်)တို့သည် နိုင်ငံတကာပညာသင်ယူခွင့်အကြောင်းအ ရာများဟောပြောပြီး ဆရာခွန်ထွန်းငြိမ်း(ကိုငြိမ်း)ဆိုက်ခေါင်မှ လူငယ်နှင့်လူမှုစီးပွါးအကြောင်းအရာများ လူငယ်များကြုံတွေ့နေရသည့် အလုပ်အကိုင်အခက်အခဲများ လူငယ်သိလိုသည်များကိုအပြန်အလှန်ဆွေးနွေးမှုပြုလုပ်ခဲ့ကြောင်းနှင့်ကလောမြို့မဆရာတော် ဦးဝိမလသာရမှလူငယ်များကိုအားပေးသြဝါဒစကားမြွက်ကြားခဲ့ကြောင်းသိရသည်။
ထို့နောက် ပအိုဝ်းကြက်ခြေနီအသင်း မွိုးယံပိ တောင်ကြီးမှ အလုပ်သမားအခွင့်အရေးအကြောင်းအရာများကိုအကျယ် တဝင့်ဟောပြောပေးခဲ့ရာ ယနေ့ဟောပြောပွဲကို ကလော နောင်တရား ပင်လောင်းစသည့် (၁၀)တန်း (၁၁)တန်း (၁၂)တန်းတက်ရောက်ဖူးသည့်လူငယ်များနှင့်တက္ကသိုလ်ကျောင်းသား/သူများ ကျေးရွာလူငယ်ခေါင်းဆောင်နှင့်ရပ်မိရပ်ဖများ(၁၀၀)ဝန်းကျင်တက်ရောက်ခဲ့ပြီး ဟောပြော ပွဲကိုနံနက်(၉)နာရီမှ ညနေ(၃)နာရီထိကျင်းပကြောင်းသိရသည်။
Leave a Reply