ဆရာႏတွမ်ႏတကာႏဆွန်ꩻစူ ပညာႏပင်ႏထိုရေꩻအစွိုꩻ အွဉ်ငါဖေႏအပ်လွေꩻ လိတ်ထူႏဂွုဏ်ႏပွယ်ꩻ

ဆရာႏတွမ်ႏတကာႏဆွန်ꩻစူ ပညာႏပင်ႏထိုရေꩻအစွိုꩻ အွဉ်ငါဖေႏအပ်လွေꩻ လိတ်ထူႏဂွုဏ်ႏပွယ်ꩻ

——————
မေလာ (၄)နီꩻ၊ ၂၀၂၆
ဖြ၀်ꩻခမ်းနယ်ႏအခ၀်န၀်၊ ၀ေင်ꩻနယ်ႏတောင်ႏကီꩻ၊ ဝေင်ꩻကျောက်တလွုံꩻတန်၊ နောင်လုံပရိယတ္တိလိတ်သွဉ်တွိုက်ကို ပညာႏပင်ႏထိုရေꩻအစွိုꩻအွဉ်ငါ ကမာꩻလွေꩻဒါႏ ခမ်းသဲင်လာလိတ်ပအိုဝ်ႏတွမ်ႏလိတ်တန်ꩻအောင်ႏကျောင်ꩻသားခွန်/နင်ꩻသီးဖုံႏယို ဖေႏအပ်လွေꩻ လိတ်ထူႏဂုဏ်ႏပွယ်ꩻအကျောင်ꩻ သေထွꩻဗာႏနဝ်ꩻသွူ။

ဖေႏအပ်လွေꩻလိတ်ထူႏဂုဏ်ႏပွယ်ꩻကို ထုဲင်ꩻခမ်း Assumption University ကို ကဒဲ့ꩻထူႏအောင်ႏမျင်ႏလꩻလွေꩻဒါႏ MA English Language Teaching ဘွဲ့ နင်ꩻအိငြိမ်းနန္ဒာ (ဟဲ့ꩻ) နင်ꩻနွန်းယိုလဲ့ ဖေႏအပ်ထူႏဂုဏ်ႏလွေꩻပါအကျောင်ꩻ သေထွꩻဗာႏနဝ်ꩻသွူ။

လိတ်ထူႏဂုဏ်ႏဖေႏအပ်ပွယ်ꩻကို ဗွေႏစင်ꩻတန်သုမန (ကျောင်ꩻနောင်လုံ)၊ခမ်းသားလွတ်တောႏနမ်းခြောင်ꩻတင် နန်းရီရီဝင်း (ခ) နင်ꩻလုံခမ်း၊ ဖြဝ်ꩻခမ်းနယ်ႏလွတ်တောႏနမ်းခြောင်ꩻတင် ခွန်ဝင်းနောင်၊ ပါတွမ်ႏ ဗွေႏရဟန်ꩻသံႏဃာႏသီး၊ တာႏဝန်ႏအဝ်ႏပုဂ္ဂိုလ်ႏလိုꩻတန်သီး၊ ရပ်ဗော့ꩻရပ်ညာꩻ ဖူးဝေးမွိုးဖါသီးတွမ်ႏ ကျောင်ꩻသားခွန်နင်ꩻဖုံႏ ကျွꩻလွဉ်ဖေႏအာႏလွေꩻအကျောင်ꩻ သေထွꩻဗာႏနဝ်ꩻသွူ။

မွူးဟာခိုႏအစီႏအစဲဉ်ႏအနေႏ အွဥ်ႏလွေꩻပါတွမ်ႏမွန်းပျောႏသွင်ႏခရာႏ (ဖျော်ဖြေရေးအစီအစဉ်)ဖုံႏယိုလဲ့ ပါလွေꩻအကျောင်ꩻ သေထွꩻဗာႏနဝ်ꩻသွူ။