အောင်ပန်းမြို့တွင် (၆၀)ကြိမ်မြောက် မြို့လုံး ကျွတ် သံဃာဒါန ဆွမ်းဆန်စိမ်းလောင်းလှူပွဲ စည်ကားသိုက်မြိုက်စွာ ကျင်းပ

အောင်ပန်းမြို့တွင် (၆၀)ကြိမ်မြောက် မြို့လုံး ကျွတ် သံဃာဒါန ဆွမ်းဆန်စိမ်းလောင်းလှူပွဲ စည်ကားသိုက်မြိုက်စွာ ကျင်းပ

==================================

အောင်ပန်း၊ ဇူလိုင် ၃၀ ရက် ၂၀၂၆-ခုနှစ်၊

ရှမ်းပြည်နယ်(တောင်ပိုင်း)၊ ကလောမြို့နယ်၊ အောင်ပန်းမြို့တွင် (၆၀)ကြိမ်မြောက် မြို့လုံးကျွတ် သံဃာဒါန ဆွမ်းဆန်စိမ်းလောင်းလှူပွဲကို ယနေ့ ဇူလိုင် ၃၀ ရက်၊ ၂၀၂၆ ခုနှစ်၊ ၁၃၈၈ ခုနှစ် ဒုတိယဝါဆိုလပြည့်ကျော် ၁ ရက်နေ့ နေ့လယ်ပိုင်းတွင် စည်ကားသိုက်မြိုက်စွာ ကျင်းပခဲ့ကြောင်း သိရသည်။

အဆိုပါ သံဃာဒါန ဆွမ်းဆန်စိမ်းလောင်းလှူပွဲတွင် အောင်ပန်းမြို့ရှိ ပင့်ကျောင်း ၁၄ ကျောင်းမှ ပင့်သံဃာတော် အပါး ၁၀၈၃ ပါးကျော် ကြွရောက်တော်မူခဲ့ကြပြီး မြို့သူမြို့သားများ၊ အလှူဒါယကာ၊ အလှူဒါယိကာမများက ဆွမ်းဆန်စိမ်းနှင့် လှူဖွယ်ဝတ္ထုအစုစုတို့ကို စုပေါင်းလောင်းလှူပူဇော်ခဲ့ကြသည်။

နှစ်စဉ်ကျင်းပပြုလုပ်လေ့ရှိသည့် အဆိုပါ မြို့လုံးကျွတ် သံဃာဒါန ဆွမ်းဆန်စိမ်းလောင်းလှူပွဲကြီးသည် အောင်ပန်းမြို့၏ ရိုးရာအစဉ်အလာကောင်းတစ်ရပ်အဖြစ် ဆက်လက်တည်ရှိနေပြီး မြို့သူမြို့သားများက သံဃာတော်များအား ဆွမ်းနှင့် လှူဖွယ်ဝတ္ထုများ စုပေါင်းလောင်းလှူပူဇော်ခြင်းဖြင့် ကုသိုလ်ကောင်းမှုများ ပြုလုပ်ခဲ့ကြသည်။

ယခုနှစ် ကျင်းပသည့် (၆၀)ကြိမ်မြောက် မြို့လုံးကျွတ် သံဃာဒါန ဆွမ်းဆန်စိမ်းလောင်းလှူပွဲတွင် သံဃာတော် အပါး ၁၀၈၃ ပါးကျော်အား ဆွမ်းဆန်စိမ်းနှင့် လှူဖွယ်ဝတ္ထုများ ဆက်ကပ်လှူဒါန်းနိုင်ခဲ့သဖြင့် မြို့သူမြို့သားများနှင့် အလှူဒါယကာ၊ အလှူဒါယိကာမများ စုပေါင်းပါဝင်ဆင်နွှဲခဲ့ကြသည့် ဘာသာရေးနှင့် လူမှုရေးအစဉ်အလာကောင်းတစ်ရပ်အဖြစ် စည်ကားစွာ ကျင်းပနိုင်ခဲ့ကြောင်း သိရသည်။