လွိုင်လင်မြို့နယ်တွင်ပြည်နယ်လွှတ်တော်ကိုယ်စားလှယ် ခွန်သက်နိုင် လူထုနှင့်တွေ့ဆုံဆွေးနွေး

လွိုင်လင်မြို့နယ်တွင်ပြည်နယ်လွှတ်တော်ကိုယ်စားလှယ် ခွန်သက်နိုင် လူထုနှင့်တွေ့ဆုံဆွေးနွေး

———————————–
မေလ(၅) ရက်၊ ၂၀၂၆ ခုနှစ်
ရှမ်းပြည်နယ် (တောင်ပိုင်း)၊ လွိုင်လင်မြို့နယ်ဆဟောင်း ကျေးရွာအုပ်စုရှိ ပန်းတင်ဗော်၊ ရွှေစာရံ ကိုးနဝင်း၊ဆုတောင်းပြည့် (ခ)ငြိမ်းချမ်းရေးစေတီတော်၌ လွိုင်လင်မြို့နယ် ပြည်နယ်လွှတ်တော်ကိုယ်စားလှယ်ခွန်သက်နိုင်မှ ဒေသခံပြည်သူများနှင့် တွေ့ဆုံဆွေးနွေးပွဲတစ်ရပ် ကျင်းပခဲ့ကြောင်းသိရသည်။

အဆိုပါတွေ့ဆုံပွဲကို မနက် ၉ နာရီတွင် စတင်ကျင်းပခဲ့ပြီး ခွန်သက်နိုင်မှလွှတ်တော်လုပ်ငန်းစဉ်များ၊ ကိုယ်တိုင်ဆောင်ရွက်ခဲ့သည့် အတွေ့အကြုံများကိုမျှဝေရှင်းလင်းပြောကြားခဲ့သည်။ ထို့ပြင် အနာဂတ်လုပ်ငန်းစဉ်များတွင်မိဘပြည်သူများနှင့် ပူးပေါင်းဆောင်ရွက်သွားရန် လိုအပ်ကြောင်းလည်းထည့်သွင်းပြောကြားခဲ့သည်။

ဆက်လက်၍ဟိုင်းနန်းကျေးရွာအုပ်စု ဥက္ကဋ္ဌ ဦးခွန်လှမောင်မှ အမှာစကား ပြောကြားခဲ့ပြီးဆဟောင်းကျေးရွာ အုပ်စု ဥက္ကဋ္ဌမှ ကျေးဇူးတင်စကား ပြန်လည်ပြောကြားခဲ့သည်။

အဆိုပါဆွေးနွေးပွဲသို့ လွိုင်လင်မြို့နယ် ပြည်နယ်လွှတ်တော်ကိုယ်စားလှယ်၊ကျေးရွာအုပ်ချုပ်ရေးမှူးများ၊ ရွာသူကြီးများနှင့် ဒေသခံ မိဘပြည်သူများ စုစုပေါင်း (၁၀၆) ဦးကျော် တက်ရောက်ခဲ့ကြောင်း သိရသည်။