နိုဝင်ဘာလာ ၂ နီꩻ၊ ၂၀၂၅၊ တောင်ꩻကီꩻ
၂၀၂၅ လွိုက်ရွေꩻပွယ်ꩻကို ကအီႏနွို့ပြုဲင်ႏဒါႏ ဝေင်ꩻနယ်ႏတောင်ႏကီꩻ ပအိုဝ်ႏစွိုးခွိုꩻအစွိုꩻ(PNO)ပါတီ လွတ်တောႏနမ်းခြောင်ꩻတင်ꩻလောင်ꩻဖုံႏနောဝ်ꩻ ဟန်ႏသနီꩻ နိုဝင်ဘာလာ ၂ နီꩻကိုယို ကပ်လူႏလွေꩻ ဗွေႏသံႏဃာႏသီႏ သွမ်ꩻဖျူႏ တွမ်ႏ မာꩻလွေꩻပါ လွတ်တောႏနမ်းခြောင်ꩻတင်လောင်ꩻ စွော့ꩻတက်ပွယ်ꩻ ဝေင်ꩻတောင်ႏကီꩻ၊ ပအိုဝ်ႏစွိုးခွိုꩻအစွိုꩻအဖဲ့ꩻပေါင်ꩻစွုမ်ႏ လွိုန်ႏကွိုန်ꩻသာႏယာႏရေꩻ(ဒဲဉ်သီႏဗွေ)ဟော်တန်ကို အကျောင်ꩻ သေထွꩻဗာႏ နောဝ်ꩻသွူ။
၂၀၂၅ လွိုက်ရွေꩻပွယ်ꩻကို ဝေင်ꩻနယ်ႏတောင်ႏကီꩻ၊ ခမ်သားလွတ်တောႏ(ပြည်သူ့လွှတ်တော်) နမ်းခြောင်ꩻတင်နောဝ်ꩻ နန်းကျင်း(ခ)နန်းစိန်၊ ခမ်းနယ်ႏလွတ်တောႏ(FPTP)နောဝ်ꩻ ဆရာႏခွန်ကြည်၊ ခမ်းနယ်ႏလွတ်တောႏ(PR)၊ မဲးဆန္ဒနယ်ႏအမုဲင်ꩻ(၁)နောဝ်ꩻ ခွန်ဆောင်းရွှေ သီး အီႏနွို့ပြင်ႏလွေꩻအကျောင်ꩻ သေထွꩻဗာႏ နောဝ်ꩻသွူ။
ဟန်ႏသနီꩻ ဝေင်ꩻနယ်ႏတောင်ႏကီꩻ ပအိုဝ်ႏစွိုးခွိုꩻအစွိုꩻ(PNO)ပါတီ လွတ်တောႏနမ်းခြောင်ꩻတင်ꩻလောင်ꩻဖုံႏ ကပ်လူႏလွေꩻ ဗွေႏသံႏဃာႏသီႏ သွမ်ꩻဖျူႏတွမ်ႏ လွတ်တောႏနမ်းခြောင်ꩻတင်လောင်ꩻ စွော့ꩻတက်ပွယ်ꩻကိုနောဝ်ꩻ ဖြောဝ်ꩻခမ်းနယ်ႏ၊ စွိုးခွိုꩻလွတ်တောႏ (FPTP) မဲးဆန္ဒနယ်ႏအမုဲင်ꩻ(၆) နမ်းခြောင်ꩻတင်လောင်ꩻ ဖြားခွန်တင်ထွဋ်၊ ဖြောဝ်ꩻခမ်းနယ်ႏ၊ စွိုးခွိုꩻလွတ်တောႏ((PR) မဲးဆန္ဒနယ်ႏအမုဲင်ꩻ(၁) နမ်းခြောင်ꩻတင်လောင်ꩻ ခွန်စောလွင်၊ ဖြောဝ်ꩻခမ်းနယ်ႏ၊ စွိုးခွိုꩻလွတ်တောႏ((PR) မဲးဆန္ဒနယ်ႏအမုဲင်ꩻ(၁) နမ်းခြောင်ꩻတင်လောင်ꩻ နန်းကလျာခမ်း၊ ဖြောဝ်ꩻခမ်းနယ်ႏလွတ်တောႏ((PR) မဲးဆန္ဒနယ်ႏအမုဲင်ꩻ(၁) နမ်းခြောင်ꩻတင်လောင်ꩻ ခွန်ထွန်းစိန်၊ ဖြောဝ်ꩻခမ်းနယ်ႏလွတ်တောႏ((PR) မဲးဆန္ဒနယ်ႏအမုဲင်ꩻ(၁) နမ်းခြောင်ꩻတင်လောင်ꩻ ခွန်ဌေးအောင်၊ ဖြောဝ်ꩻခမ်းနယ်ႏလွတ်တောႏ((PR) မဲးဆန္ဒနယ်ႏအမုဲင်ꩻ(၁) နမ်းခြောင်ꩻတင်လောင်ꩻ ခွန်ဖုန်းမောင်သီးတဲ့ ကျွထင်ႏ ကပ်လွေꩻ ဗွေႏသံႏဃာႏသီႏ သွမ်ꩻဖျူႏအကျောင်ꩻ သေထွꩻဗာႏ နောဝ်ꩻသွူ။
